Connect with us

ព័ត៌មានអន្ដរជាតិ

នេះ​ផែនការ​ត្រូវ​គេ​រំពឹង​មេ​ដឹក​នាំ ​G7​ ដាក់​ចេញ​ដើម្បី​កម្ចាត់​កូវីដជាសកល

បានផុស

នៅ

មេ​ដឹក​នាំ​ប្រទេស​អ្នក​មាន G7 ប្តេជ្ញា​ប្រើ​ប្រាស់​ធនធាន​ទាំអ​ស់​របស់​ខ្លួន​​​​ដើម្បី​​​លុប​បំបាត់​​កូវីដ-១៩​ដែល​នឹង​មិន​ឲ្យ​កើត​ឡើង​ជា​ថ្មី​បាន។

ក្នុង​កិច្ច​ប្រជុំ​កំពូល​ឈាន​ចូល​ថ្ងៃ​ទី​២​នៅ Cornwall មេ​ដឹក​នាំ​នឹងចេញ​សេចក្តី​ប្រកាស​មួយ​ដែល​នឹង​កំណត់​​វិធានការម៉ឺង​ម៉ាត់​ជា​ស៊េរី​ដើម្បី​ឈាន​ដល់​គោល​ដៅ​ជ័យជម្នះ​​លើ​​កូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោល​ដៅ​គឺ​ត្រូវ​កាត់​បន្ថយ​ពេល​​វេលា​ដើម្បី​​អភិវឌ្ឍ​វ៉ាក់សាំង​ក្រោម​១០០​ថ្ងៃ​ប៉ុណ្ណោះ។

នៅ​ថ្ងៃ​សុក្រ​លោក​នាយក​រដ្ឋ​មន្ត្រី​អង់គ្លេស Boris Johnson បាន​បើក​កិច្ច​ប្រជុំ​កំពូល​ជា​មួយ​នឹង​ការ​អង្វរ​មួយ​​​ឲ្យ​ដោះ​ស្រាយ​វិបត្តិ​វិសមភាព​សកល។

លោក Johnson ដែលទទួលជា​ម្ចាស់​ផ្ទះ​រយៈ​ពេល​៣​ថ្ងៃ​នៅ​មរណីយដ្ឋានឆ្នេរ​សមុទ្រ Carbis Bay មាន​ប្រសាសន៍​ថា វា​ពិត​ជា​សំខាន់​ខ្លាំង​ណាស់​ដើម្បី​​​រៀន​សូត្រ​ពី​កំហុស​នៃ​វិបត្តិ​សេដ្ឋកិច្ច​ឆ្នាំ​២០០៨ និង​ដោះ​ស្រាយ​ស្នាម​នៃវិសមភាព។

បន្ទាប់​ពី​កិច្ច​ពិភាក្សា​នៅ​ថ្ងៃ​សុក្រ មេ​ដឹក​នាំ​កំពូល​ទាំង​អស់​បាន​ចូល​រួម​ទទួល​អាហារ​ពេល​ល្ងាច​ជា​មួយ​មហា​​ក្សត្រិយ៍នៅ​​ឯ​ Eden Project។

ក្រុម​ប្រទេស​អ្នក​មាន ឬ​ Group of Seven ជា​អង្គការ​​មួយ​ត្រូវ​បាន​បង្កើត​ឡើង​ដោយប្រទេស​មាន​សេដ្ឋកិច្ច​ជឿន​លឿន​បំផុត​ក្នុង​ពិភព​លោក​មាន​ដូច​ជា កាណាដា បារាំង អាល្លឺម៉ង់ ជប៉ុន អ៉ីតាលី ចក្រភព​អង់គ្លេស និង​សហរដ្ឋ​អាមេរិក។

ក្នុង​កិច្ច​ប្រជុំ​កំពូល​នេះ មាន​អ្នក​នយោបាយ​កំពូល​របស់​សហភាព​អឺរ៉ុប​២​រូប​ចូល​រូម​ដែរ។

តើ​​ផែន​ការ​អ្វី​ដែល​នឹង​ត្រូវ​ចេញ?

មេ​ដឹក​នាំ​ G7 នឹង​ចេញ​«សេចក្តី​ប្រកាស Carbis Bay Declaration បន្ទាប់​ពីកិច្ច​ប្រជុំ​ពិភាក្សា​ពិសេស​នៅ​ថ្ងៃ​សៅរ៍​នេះ​ ដែល​នឹង​បង្កើត​ផែន​ការ​មួយ​ដើម្បី​ព្យាយាមទប់​ស្កាត់​ការ​​បំផ្លិច​បំផ្លាញ​សេដ្ឋកិច្ច និង​មនុស្ស​​ពី​កូវីដ-១៩។

យោង​តាម​សាកល​វិទ្យាល័យ​អាមេរិក Johns Hopkins បង្ហាញ​ថា ប្រជា​ជន​ជាង​១៧៥​លាន​នាក់​ទូទាំង​ពិភព​លោក​បាន​ឆ្លង​កូវីដ-១៩​ចាប់​តាំង​ពី​វា​ផ្ទុះ​ឡើង និង​បាន​សម្លាប់​មនុស្ស​ជាង​៣.៧​លាន​នាក់។

សេចក្តី​ប្រកាស G7 នឹងបង្កើត​វិធានការ​ជាក់​ស្តែង​ជា​ស៊េរី​ដូច​ជា៖

  • កាត់​បន្ថយ​ពេល​វេលា​​ដើម្បី​​ផលិត និង​ផ្តល់​អាជ្ញាប័ណ្ណ​វ៉ាក់សាំង ការព្យាបាល និង​ការ​វិភាគ​រោគ​សញ្ញា​សម្រាប់​ជំងឺ​ណា​មួយ​នា​ពេល​អនាគត​ស្ថិត​ក្រោម​១០០​ថ្ងៃ​។
  • ពង្រឹក​បណ្តាញ​ទំនាក់​ទំនង​ឃ្លាំមើល​ និង​សមត្ថភាព​លំដាប់វីរុស។
  • គាំទ្រ​ចំពោះ​ការ​បង្កើត និង​ពង្រឹង​អង្គការ​សុខភាព​ពិភព​លោក (WHO)៕

ប្រែ​សម្រួល៖ វីរបុត្រ
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម