ព័ត៌មានអន្ដរជាតិ
ជប៉ុន កំពុងប្រកាសអាសន្នពីព្យុះទីហ្វុង មកដល់យប់នេះ
មន្ត្រីអាកាសធាតុនៅប្រទេសជប៉ុននិយាយថា ព្យុះទីហ្វុងត្រូវបានគេរំពឹងថានឹងចូលទៅកាន់កោះ Ogasawara ភាគខាងត្បូងប្រទេស នៅយប់ថ្ងៃសៅរ៍ និងថ្ងៃអាទិត្យនេះ ។
ទីភ្នាក់ងារឧតុនិយមជប៉ុននិយាយថា ព្យុះទីហ្វុង Champi កំពុងធ្វើដំណើរឆ្ពោះទៅភាគខាងជើងមហាសមុទ្រប៉ាស៊ីហ្វិក ភាគខាងត្បូងនៃប្រទេស ។ ព្យុះនេះមានសម្ពាធបរិយាកាសកណ្ដាល ៩៨ គីឡូម៉ែត្រ ហើយមានល្បឿនខ្យល់បក់រហូតដល់ ១២៦ គីឡូម៉ែត្រក្នុងមួយម៉ោង ។
ព្យុះទីហ្វុងនេះក៏អាចនាំមកនូវកម្លាំងខ្យល់បក់អតិបរមា ១៨០ គីឡូម៉ែត្រក្នុងមួយម៉ោងផងដែរ ។
ទន្ទឹមនោះ មន្ត្រីទីភ្នាក់ងារកំពុងព្រមានប្រជាជននៅកោះ Ogasawara ឲ្យប្រយ័ត្ននឹងខ្យល់បក់ខ្លាំង និង ការរញ្ជួយសមុទ្រ ចាប់ពីថ្ងៃសៅរ៍យប់នេះ ។
ក្រុមមន្ត្រីបន្ថែមទៀតថា ជំនន់ទឹកភ្លៀងក៏អាចនឹងបន្ដកើនឡើង នៅផ្នែកផ្សេងទៀតនៃប្រទេសជប៉ុន តាមបណ្ដោយមហាសមុទ្រប៉ាស៊ីហ្វិក ដោយសារខ្យល់មានសំណើមបណ្ដាលមកពីខ្យល់ព្យុះ ទំនងជាបណ្ដាលឲ្យមានភ្លៀងធ្លាក់ខ្លាំងនៅរដូវវស្សា ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង