ព័ត៌មានអន្ដរជាតិ
ពលករចំណាកស្រុករាប់ពាន់នាក់ ប្រជ្រៀតគ្នាសម្រុកចេញពីរដ្ឋធានី បង់ក្លាដែស មុនប្រកាសបិទខ្ទប់
ពលករចំណាកស្រុករាប់ពាន់នាក់ បានភៀសខ្លួនចេញពីរដ្ឋធានីបង់ក្លាដែសកាលពីថ្ងៃអាទិត្យ មុនការបិទខ្ទប់ប្រទេសយ៉ាងតឹងរ៉ឹង ដែលនឹងកាត់បន្ថយសកម្មភាពសេដ្ឋកិច្ចភាគច្រើន ក៏ដូចជាបង្ខាំងប្រជាជននៅផ្ទះរបស់ពួកគេ ដោយសារករណីឆ្លងកូវីដកំពុងផ្ទុះឡើង ។
ការរឹតត្បិតលើសកម្មភាព និងការធ្វើដំណើរ បានកើតឡើងតាំងពីពាក់កណ្តាលខែមេសា នៅពេលដែលករណីឆ្លង និងការស្លាប់បានលោតឡើងយ៉ាងខ្លាំង ។
ក្រសួងសុខាភិបាលបាននិយាយថា ការឆ្លងបានធ្លាក់ចុះនៅក្នុងខែឧសភា ប៉ុន្តែបានចាប់ផ្តើមកើនឡើងម្តងទៀតក្នុងខែនេះ ដោយមានករណីឆ្លងប្រចាំថ្ងៃជាង ៦,០០០ ករណីកាលពីថ្ងៃព្រហស្បតិ៍ និង ១០៨ នាក់បានស្លាប់កាលពីថ្ងៃសុក្រ ដែលជាចំនួនខ្ពស់បំផុតក្នុងរយៈពេលជាង ២ ខែកន្លងមកនេះ ។
ការលេចចេញជាថ្មីនេះ បានជំរុញឲ្យរដ្ឋាភិបាលរឹតបន្តឹងជាបន្តបន្ទាប់ចាប់ពីថ្ងៃចន្ទនេះ ដោយបិទសកម្មភាពសេដ្ឋកិច្ច រួមមានហាង ផ្សារ ការដឹកជញ្ជូន និងការិយាល័យ រហូតដល់ថ្ងៃថ្ងៃព្រហស្បតិ៍ ។
ប្រជាជននឹងត្រូវតម្រូវឲ្យស្នាក់នៅផ្ទះ ខណៈពេលដែលមានតែសេវាកម្មបន្ទាន់ និងរោងចក្រដែលផ្តោតលើការនាំចេញប៉ុណ្ណោះ បន្តប្រតិបត្តិការ ហើយការបិទនាពេលនេះ បានធ្វើឲ្យមានការជម្លៀសមនុស្សចេញពីទីក្រុងដាកា ។
ជាមួយនឹងការដឹកជញ្ជូនសាធារណៈក្នុងក្រុង ត្រូវបានផ្អាករួចហើយចាប់តាំងពីថ្ងៃទី ២២ មិថុនា ប្រជាជនបានប្រជ្រៀតគ្នាជិះរ៉ឺម៉ក ហើយថែមទាំងជួលរថយន្តសង្គ្រោះបន្ទាន់ ដើម្បីធ្វើដំណើរត្រឡប់ទៅភូមិរបស់ពួកគេវិញ ។
ចំណែកនៅស្ថានីយ៍ទន្លេមួយនៅទីប្រជុំជន Sreenagar ចម្ងាយប្រហែល ៧០ គីឡូម៉ែត្រខាងត្បូងទីក្រុងដាកា មនុស្សរាប់ពាន់នាក់បានតម្រង់ជួរតាំងពីព្រលឹម ដើម្បីឆ្លងទន្លេ Padma ជាដៃទន្លេគង្គានៃតំបន់ហិម៉ាឡៃយ៉ា ។
គួរបញ្ជាក់ថា គិតត្រឹមពេលនេះ ប្រទេសបង់ក្លាដែស មានករណីឆ្លងជំងឺកូវីដ ១៩ ច្រើនជាង ៨៨០,០០០ ករណី និងមានអ្នកស្លាប់ជាង ១៤,០០០ នាក់ ប៉ុន្តែអ្នកជំនាញនិយាយថា ចំនួនពិតប្រាកដអាចមានច្រើនជាងនេះ ដោយសារការរាយការណ៍មិនត្រឹមត្រូវ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ