អ៊ីរ៉ង់ បង្អួតយន្តហោះដ្រូនទើបបង្កើតថ្មី មានសមត្ថភាពហោះហើរចម្ងាយ ៧ ពាន់គីឡូម៉ែត្រ

អគ្គមេបញ្ជាការនៃឆ្មាំបដិវត្តឥស្លាមលោក Hossein Salami បាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយក្នុងស្រុកមួយថា អ៊ីរ៉ង់បានបង្កើតយន្តហោះដ្រូនយោធា ដែលមានសមត្ថភាពបំពេញបេសកកម្មបានចម្ងាយ ៧,០០០ គីឡូម៉ែត្រ ។

លោកបានពន្យល់ថា ចម្ងាយ ៧,០០០ គីឡូម៉ែត្រនេះ គឺជារយៈចម្ងាយអតិបរមានៃបេសកកម្មរបស់យានគ្មានមនុស្សបើក (UAV) ដែលរួមបញ្ចូលទាំងការវិលត្រឡប់ទៅមូលដ្ឋាន ដែលវាឈរជើងវិញផងដែរ ។

លោក Salami បានបញ្ជាក់ថា “យើងមានដ្រូនដែលមានរយៈចម្ងាយ ៧,០០០ គីឡូម៉ែត្រ ។ ពួកវាអាចហោះត្រឡប់មកមូលដ្ឋានវិញ និងចុះចតនៅកន្លែងណាដែលវាហោះឡើង” ។

ជាមួយនឹងប្រតិបត្តិការបែបនេះ យន្តហោះដ្រូនថ្មីរបស់អ៊ីរ៉ង់ ទំនងជាអាចទៅដល់តំបន់ឆ្ងាយៗនៃទ្វីបអឺរ៉ុប ទ្វីបអាហ្វ្រិក អាស៊ី និងរុស្ស៊ីជាដើម ហើយនឹងវិលត្រលប់មកវិញ បន្ទាប់ពីបេសកកម្មជោគជ័យ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មើលហើយញាក់សាច់! អ៊ីរ៉ង់ បញ្ចេញវីដេអូការសាកល្បងយន្តហោះដ្រូនធ្វើអត្តឃាតចំៗគោលដៅ