ព័ត៌មានអន្ដរជាតិ
មន្ត្រីសុខាភិបាល ថៃ ប្រាប់មូលហេតុ លោក ប្រាយុទ្ធ អង្គុយជុំគ្នាមិនពាក់ម៉ាស ថ្ងៃបើកសម្ពោធនៅ ភូកេត
លោក ប្រាយុទ្ធ ចាន់អូចា នាយករដ្ឋមន្ត្រីនៃប្រទេសថៃ កំពុងផ្ទុះការរិះគន់យ៉ាងខ្លាំងពាក់ព័ន្ធនឹងរូបភាពស៊ែរនៅលើបណ្ដាញសង្គម ដែលបង្ហាញថា លោករួមជាមួយនឹងក្រុមមន្ត្រីក្រោមឱវាទផ្សេងទៀត កំពុងអង្គុយជុំគ្នានៅលើកៅអីជុំវិញតុមុខឆ្នេរកោះភូកេត ដោយមិនពាក់ម៉ាស ក្រោយពីជិះទូកមើលឆ្នេររួចមក ។
ពាក់ព័ន្ធនឹងបញ្ហានេះដែរ លោក Anutin Chanweerakul ឧបនាយករដ្ឋមន្រ្តី និងជារដ្ឋមន្រ្តីក្រសួងសុខាភិបាលថៃ កាលពីថ្ងៃសុក្របានចេញមុខប្រាប់មូលហេតុចំពោះការរិះគន់ លើការរំលោភវិធានការការពារជំងឺកូវីដ ១៩ នេះ ។
លោក Anutin បានប្រាប់ក្រុមអ្នកសារព័ត៌មានថា “លោក ប្រាយុទ្ធ ចាន់អូចា គ្រាន់តែអង្គុយសម្រាកមួយភ្លេត ដើម្បីបំពេញបេសកកម្មបន្តប៉ុណ្ណោះ ។ លោកនាយករដ្ឋមន្ត្រីកំពុងប្រើពេល ៣០ នាទី ដើម្បីអង្គុយរង់ចាំទទួលភ្ញៀវទេសចរ នៅអាកាសយានដ្ឋានកោះភូកេត” ។
លោក Anutin បានបញ្ជាក់ថា “យើងបានធ្វើដំណើរទៅ ភូកេត នៅពេលព្រឹក ដូច្នេះខ្ញុំចង់ឲ្យលោកនាយករដ្ឋមន្ត្រីសម្រាក និងទទួលទានកាហ្វេ ក៏ដូចជាអារហារសម្រន់នៅទីនោះ ហើយពាក់ព័ន្ធនឹងការអង្គុយជុំគ្នានោះ លោក ប្រាយុទ្ធ ក៏បានរក្សាគម្លាតផងដែរ” ។
លោករដ្ឋមន្ត្រីសង្កត់ធ្ងន់ថា “អ្នករាល់គ្នាដែលអង្គុយនៅទីនោះ គឺសុទ្ធតែបានចាក់វ៉ាក់សាំងពេញ ២ ដូស ។ ក្រោយពេលញ៉ាំអាហារសម្រន់រួចហើយ យើងបានបន្តធ្វើការទៀត ហើយយើងមិនអង្គុយក្នុងភោជនីយដ្ឋាន ឬមានចេតនាប្រឆាំងបទបញ្ជាការពារកូវីដឡើយ” ។
លោកនាយករដ្ឋមន្ត្រី ប្រាយុទ្ធ ចាន់អូចា បានទៅសម្ពោធរមណីយដ្ឋានកោះ ភូកេត ក្រោយមានការអញ្ជើញពីក្រសួងធនធានទឹក និងបរិស្ថាន ដើម្បីបើកដំណើរការឲ្យប្រជាជនខេត្តភូកេត ធ្វើលំហាត់ប្រាណ និងបន្ធូរអារម្មណ៍នៅក្នុងគោលនយោបាយ “ប្រអប់ខ្សាច់ភូកេត ឬ Phuket Sandbox” ។
គួរបញ្ជាក់ថា រមណីយដ្ឋានកោះដ៏ពេញនិយម ភូកេត នៅភាគខាងត្បូងប្រទេសថៃ បានបើកដំណើរការឡើងវិញសម្រាប់ទេសចរណ៍អន្តរជាតិ កាលពីថ្ងៃព្រហស្បតិ៍ ដោយមិនចាំបាច់ឲ្យភ្ញៀវបរទេសធ្វើចត្តាឡីស័កឡើយ ឲ្យតែចាក់វ៉ាក់សាំងពេញ ២ ដូស ខណៈជំងឺកូវីដ ១៩ បានបញ្ឈប់ការមកដល់របស់ភ្ញៀវជាងមួយឆ្នាំកន្លងមកនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Sanook
ចុចអាន ៖ ផ្ទុះការរិះគន់ខ្លាំង លោក ប្រាយុទ្ធ ប្រមូលផ្ដុំគ្នាទាំងមិនពាក់ម៉ាស ចូលរួមពិធីសម្ពោធកោះ ភូកេត
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore