ព័ត៌មានអន្ដរជាតិ
បុគ្គលិកពេទ្យថៃចាក់វ៉ាក់សាំងរួចជាង ៦០០នាក់ ឆ្លងកូវីដ
ក្រសួងសុខាភិបាលសាធារណៈថៃកាលពីថ្ងៃអាទិត្យម្សិលមិញបាននិយាយថា បុគ្គលិកសុខាភិបាលជាង៦០០នាក់បានឆ្លងកូវីដ-១៩ បើទោះបីជាពួកគាត់បានចាក់វ៉ាក់សាំង Sinovac ទាំងពីរដូសរួចរាល់ហើយក្តី ដូច្នេះហើយបានជាអាជ្ញាធរកំពុងព្យាយាមចាក់បន្ថែមដូសទី៣។
ទិន្នន័យរបស់ក្រសួងចាប់ពីថ្ងៃទី១ ខែមេសា ដល់ទី១៩ ខែកក្កដា បានបង្ហាញថា ក្នុងចំណោមបុគ្គលិកសុខាភិបាល ៦៧៧ ៣៤៨នាក់ដែលបានចាក់វ៉ាក់សាំង Sinovac ទាំងពីរដូសរួចរាល់ មាន៦១៨នាក់ស្មើជាង១% បានឆ្លងកូវីដ-១៩ និងគីលានុប្បដ្ឋាយិកាម្នាក់បានស្លាប់ ហើយម្នាក់ទៀតកំពុងមានអាការធ្ងន់។
លោក Sopon Iamsirithaworn អនុប្រធាននាយកដ្ឋានគ្រប់គ្រងជំងឈឆ្លងបានប្រាប់អ្នកសារព័ត៌មាននៅថ្ងៃអាទិត្យម្សិលមិញថា ក្រុមអ្នកជំនាញមួយបានណែនាំឲ្យបន្ថែមចាក់ដូសទី៣ដល់បុគ្គលិកសុខាភិបាលដែលប្រឈមហានិភ័យ។
លោកថា ៖«ការចាក់វ៉ាក់សាំងបន្ថែមនេះគឺផ្សេងគ្នា វ៉ាក់សាំង AstraZeneca ឬ mRNA ដែលនឹងទទួលបានក្នុងពេលខ្លី»។ លោកបន្ថែមថា សេចក្តីណែនាំនឹងត្រូវពិចារណានាថ្ងៃចន្ទ ទី១២ ខែកក្កដានេះ។
សេចក្តីប្រកាសបានធ្វើឡើង នៅពេលប្រទេសថៃមានករណីឆ្លងកូវីដ-១៩សរុប ៣៣៦ ៣៧១នាក់ និងមរណភាព ២៧១១នាក់ចាប់តាំងពីជំងឺរាតត្បាតនេះចាប់ផ្តើមកាលពីឆ្នាំមុន។
ភាគច្រើននៃបុគ្គលពេទ្យជួរមុខចាក់វ៉ាក់សាំង Sinovac កាលពីខែកុម្ភៈ ខណៈវ៉ាក់សាំង AstraZeneca ទើបមកដល់ប្រទេសថៃក្នុងខែមិថុនា។
ថៃរំពឹងទទួលបានវ៉ាក់សាំង Pfizer-BioNTech ចំនួន ១.៥លានដូលដែលជាជំនួយរបស់សហរដ្ឋអាមេរិកចុងខែនេះ និងបានបញ្ជាទិញ២០លានដូសទៀតដែលនឹងមកដល់បន្ទាប់ពីខែតុលា៕
ប្រែសម្រួល៖ វីរបុត្រ
ប្រភព៖ bangkokpost
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ