ព័ត៌មានអន្ដរជាតិ
Joe Biden បង្ហាញឈ្មោះបេក្ខជនរដ្ឋមន្ត្រីក្រសួងការបរទេស
យោងតាមមនុស្សជាច្រើនដែលដឹងពីផែនការរបស់ក្រុមលោក Biden បានឲ្យដឹងថា ប្រធានាធិបតីជាប់ឆ្នោតលោក Joe Biden ត្រូវបានគេរំពឹងថានឹងតែងតាំងលោក Antony Blinken ជារដ្ឋមន្ត្រីក្រសួងការបរទេស ។
លោក Blinken អាយុ ៥៨ ឆ្នាំបានបម្រើការជាអនុរដ្ឋលេខាធិការ និងជាទីប្រឹក្សាសន្តិសុខជាតិក្នុងអំឡុងពេលរដ្ឋបាលលោក Obama និងមានទំនាក់ទំនងជិតស្និទ្ធជាមួយលោក Biden ។ ប្រសិនបើត្រូវបានតែងតាំងមែននោះ គាត់នឹងក្លាយជាកម្លាំងដឹកនាំនៃរដ្ឋបាលថ្មីដែលធ្វើឲ្យប្រសើរឡើងនូវទំនាក់ទំនងសហរដ្ឋអាមេរិកជាមួយពិភពលោកទាំងមូលឡើងវិញ ក្រោយការដឹកនាំរយៈពេល ៤ ឆ្នាំរបស់លោក Donald Trump ។
ទន្ទឹមនោះលោក Blinken ថ្មីៗនេះក៏បានចូលរួមនៅក្នុងសន្និសីទកាសែតស្តីពីសន្តិសុខជាតិជាមួយលោក Biden និងអនុប្រធានាធិបតីជាប់ឆ្នោត Kamala Harris ផងដែរ និងបានថ្លឹងថ្លែងជាសាធារណៈស្តីពីបញ្ហានយោបាយការបរទេសគួរឲ្យកត់សម្គាល់នៅក្នុងប្រទេសអេហ្ស៊ីប និងអេត្យូពី ។
និស្សិតបញ្ចប់ការសិក្សានៅសាកលវិទ្យាល័យ Harvard និងសាលាច្បាប់ Columbia និងមានវត្តមានជាមួយគោលនយោបាយការបរទេសប្រជាធិបតេយ្យដ៏យូរអង្វែង លោក Blinken បានសម្របខ្លួនជាមួយអតីតមន្ត្រីជាន់ខ្ពស់សន្តិសុខជាតិជាច្រើនរូបដែលបានអំពាវនាវឲ្យមានការផ្សះផ្សាឡើងវិញដ៏សំខាន់មួយនៅក្នុងវិស័យការទូតអាមេរិក និងផ្តោតជាថ្មីលើការចូលរួមជាសកល ។
លោក Blinken បានប្រាប់សារព័ត៌មាន The Associated Press កាលពីខែកញ្ញាថា “លទ្ធិប្រជាធិបតេយ្យកំពុងដើរថយក្រោយនៅជុំវិញពិភពលោក ហើយជាអកុសលវាក៏ថយក្រោយសម្រាប់ប្រទេសរបស់យើងផងដែរ ដោយសារតែប្រធានាធិបតីមុនមិនដឹងពីគុណតម្លៃ និងប្រជាជនជារៀងរាល់ថ្ងៃរបស់ខ្លួន ។ មិត្តភក្តិរបស់យើងដឹងថា លោក Joe Biden ដឹងថាពួកគេជានរណា ។ ដូច្នេះអ្នកដែលប្រឆាំងនឹងយើងគឺភាពខុសគ្នានោះនឹងមាននៅថ្ងៃណាមួយ” ។
លោ Blinken បានបម្រើការនៅក្រុមប្រឹក្សាសន្តិសុខជាតិ (NSC) ក្នុងអំឡុងពេលរដ្ឋបាលលោកស្រី Clinton មុនពេលក្លាយជាអគ្គសេនាធិការនៃគណៈកម្មាធិការទំនាក់ទំនងការបរទេសព្រឹទ្ធសភា នៅពេលដែលលោក Biden ជាប្រធានក្រុមប្រឹក្សា ។ នៅក្នុងឆ្នាំដំបូងនៃរដ្ឋបាលលោក Obama លោក Blinken បានវិលត្រឡប់ទៅ NSC វិញ ហើយជាទីប្រឹក្សាសន្តិសុខជាតិរបស់អនុប្រធានាធិបតី Biden មុនពេលគាត់ផ្លាស់ទៅក្រសួងការបរទេសដើម្បីបម្រើការជាអនុរដ្ឋលេខាធិការរបស់លោក John Kerry ៕
ប្រែសម្រួលដោយ ៖ ជីវ័ន្ត
ប្រភព ៖ AP
ចុចអាន ៖ សមាជិកសភាជាប់ឆ្នោតថ្មីនៃបក្សកាន់អំណាចរបស់មីយ៉ាន់ម៉ា ត្រូវបានបាញ់សម្លាប់
ចុចអាន ៖ លោក ពូទីន ត្រៀមខ្លួនធ្វើការជាមួយមេដឹកនាំអាមេរិកគ្រប់រូបដែលឈ្នះឆ្នោតស្របច្បាប់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»