ព័ត៌មានអន្ដរជាតិ

UNICEF សរសើរប្រទេសតូចនេះជា«រឿងជោគជ័យ»ក្នុងការចាក់វ៉ាក់សាំង

បានផុស

៥ years មុន

នៅ

ថ្ងៃអង្គារ ២៧ កក្កដា ២០២១

ដោយ

ប្រទេសប៊ូតាន់បានចាក់វ៉ាក់សាំងស្ទើរតែទាំងអស់នៃប្រជាជនគ្រប់អាយុចាក់វ៉ាក់សាំងបង្ការកូវីដ-១៩ដែលការពន្លឿននេះត្រូវបាន UNICEF កាលពីថ្ងៃចន្ទ ទី២៦ បានកោតសរសើរថាជា«រឿងជោគជ័យ»សម្រាប់ជំនួយអន្តរជាតិ។

វ៉ាក់សាំងជាង ៤៥៤ ០០០ ដូសត្រូវបានចាក់កាលពីសប្តាហ៍មុននៅតំបន់ដាច់ឆ្ងាយហិម៉ាឡៃដែលជាង៨៥%នៃមនុស្សធំគ្រប់អាយុ ៥៣០ ០០០ នាក់បានចាក់ ក្រោយទទួលបានជំនួយពីបរទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Will Parks តំណាង UNICEF ប្រចាំប្រទេសប៊ូតាន់បានកោតសរសើរចំពោះការចាក់វ៉ាក់សាំងប្រកបដោយមហិច្ឆតាថាជា«រឿងជោគជ័យអស្ចារ្យមួយសម្រាប់ប៊ូតាន់»។

លោកមានប្រសាសន៍ថា ៖«យើងពិតជាត្រូវការពិភពលោកមួយដែលប្រទេសនានាដែលមានវ៉ាក់សាំងលើសតម្រូវការធ្វើការបរិច្ចាគដល់បណ្តាប្រទេសដែលខ្វះខាត»។

«ហើយប្រសិនបើមានអ្វីមួយដែលខ្ញុំសង្ឃឹមថា ពិភពលោកអាចរៀនសូត្របាន នោះគឺប្រទេសដូចជាប៊ូតាន់ដែលមានចំនួនវេជ្ជបណ្ឌិតតិច គិលានុប្បដ្ឋាកតិច តែព្រះមហាក្សត្រ និងមេដឹកនាំដែលមានការប្តេជ្ញាចិត្តក្នុងរដ្ឋាភិបាលដែលកំពុងកៀរគរសង្គម។ វាស្ទើរតែមិនអាចទៅរួចដែលចាក់វ៉ាក់សាំងពេញទូទាំងប្រទេស»។

ប្រទេសតូចមួយនេះបានប្រើប្រាស់វ៉ាក់សាំង AstraZeneca ប្រមាណ ៥៥០ ០០០ដូសដែលជាជំនួយរបស់ប្រទេសឥណ្ឌាកាលពីចុងខែមីនា និងចាប់ផ្តើមចាក់នៅដើមខែមេសា មុនពេលប្រទេសជិតខាងជាម្ចាស់ជំនួយនេះបានផ្អាកការនាំចេញដើម្បីទុកវ៉ាក់សាំងចាក់ក្នុងប្រទេសខ្លួន។

ប្រឈមនឹងគន្លាតពេលវេលាកាន់តែឆ្ងាយរវាងដូសទី១ និងដូសទី២ ប្រទេសប៊ូតាន់បានចាប់ផ្តើមធ្វើការអំពាវនាវស្វែងរកជំនួយ។

ភ្លាមៗនោះ ប៊ូតាន់ទទួលបានវ៉ាក់សាំង Moderna ចំនួន៥០ម៉ឺនដូសដែលជាជំនួយរបស់សហរដ្ឋអាមេរិកតាមរយៈ Covax ដែលជាកម្មវិធីចែកវ៉ាក់សាំងរបស់អង្គការសុខភាពពិភពលោក (WHO) និងសម្ព័ន្ធវ៉ាក់សាំង Gavi ព្រមទាំងវ៉ាក់សាំង AstraZeneca ចំនួន២៥០ ០០០ដូសទទួលបានពីប្រទេសដាណឺម៉ាកកាលពីពាក់កណ្តាលខែកក្កដា។

វ៉ាក់សាំង AstraZeneca, Pfizer និង Sinopharm ជាង៤០ម៉ឺនដូសក៏ត្រូវបានរំពឹងទៅដល់ប្រទេសអាស៊ីខាងត្បូងមួយនេះដែលប្រជាជន ៧៧០ ០០០នាក់ ពីប្រទេសក្រូអាត ប៊ុលហ្គារី ចិន និងប្រទេសផ្សេងទៀត។

ទន្ទឹមជាមួយគ្នានេះ រដ្ឋាភិបាលក៏បានទិញវ៉ាក់សាំង Pfizer ចំនួន២០ម៉ឺនដូសដែលរំពឹងថានឹងទទួលបានចុងឆ្នាំនេះ។