ព័ត៌មានអន្ដរជាតិ

ទឹកជំនន់ខេត្ត Henan សម្លាប់មនុស្សដល់៧១នាក់ ខូចខាតគិតជាប្រាក់២ប៊ីលានដុល្លារ

បានផុស

៥ years មុន

នៅ

ថ្ងៃពុធ ២៨ កក្កដា ២០២១

ដោយ

តួលេខជនរងគ្រោះបាត់បង់ជីវិតពីទឹកជំនន់នៅខេត្ត Henan ភាគច្រើនកណ្តាលប្រទេសចិនបានឡើងដល់៧១នាក់គិតត្រឹមថ្ងៃអង្គារ៍ ទី២៧ ខែកក្កដា ក្នុងនោះមានអ្នកស្លាប់នៅផ្លូវក្រោមដី១៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លៀងធ្លាក់យ៉ាងខ្លាំងត្រឹមតែរយៈពេល៣ថ្ងៃកាលពីសប្តាហ៍មុនបានវាយប្រហារទីក្រុង Zhengzhou យ៉ាងធ្ងន់ធ្ងរដែលបង្កជាទឹកជំនន់បណ្តាលឲ្យរថយន្តជាប់គាំងនៅផ្លូវក្រោមដី និងអ្នកដំណើរជាង៥០០នាក់បានជាប់នៅក្នុងម៉ោងមមាញឹកកាលពីថ្ងៃអង្គារ៍សប្តាហ៍មុន។

អាជ្ញាធរក្រុងបានប្រកាសនៅថ្ងៃអង្គារ៍ម្សិលមិញពីឈ្មោះអ្នកដែលបាត់បង់ជីវិតនៅផ្លូវក្រោមដី ដែលមានការប៉ុនប៉ងដ៏កម្រមួយនៃតម្លាភាព បន្ទាប់ពីមនុស្សចាប់ផ្តើមដាក់កម្រផ្កាគោរពដល់ជនរងគ្រោះនៅទីតាំងរងគ្រោះ។

សេចក្តីប្រកាសរបស់សាលាក្រុងបាននិយាយថា ៖«ភ្លៀងធ្លាក់ដ៏អាក្រក់បណ្តាលទឹកជំនន់ហូរចូលផ្នែកខ្លះនៃផ្លូវក្រោមដីនៃខ្សែទី៥ និងជញ្ជាំងការពារផ្លូវក្រោមដីបានដួលរលំ»។

ភរិយារបស់ជនរងគ្រោះម្នាក់បានសរសេរលើបណ្តាញសង្គម Weibo ថា ៖«នរណាបានគិតថា មានតែអ្នកម្នាក់គត់នៅឆ្ងាយពីផ្ទះ តែអ្នកលែងត្រឡប់មកផ្ទះរហូតហើយ»។

ភ្លៀងធ្លាក់ដ៏អាក្រក់ដូចហែកមេឃដែលបានចាប់ផ្តើមកាលពីថ្ងៃទី១៧ ខែកក្កដាបានប៉ះពាល់ដល់មនុស្សស្ទើរ១៣លាននាក់ បំផ្លាញផ្ទះជិត៩០០០ខ្នង និងធ្វើឲ្យបាត់បង់សេដ្ឋកិច្ចនៅខេត្ត Henan ដែលគិតជាប្រាក់ប្រមាណ២ប៊ីលានដុល្លារអាមេរិក៕

ប្រែសម្រួល៖ វីរបុត្រ
ប្រភព៖ AFP

Related Topics:ទឹកជំនន់ប្រទេសចិន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា