ព័ត៌មានអន្ដរជាតិ
រដ្ឋាភិបាលអាហ្វហ្គានីស្ថាន សុំចែកអំណាចជាមួយក្រុម តាលីបង់
រដ្ឋាភិបាលអាហ្វហ្គានីស្ថាន បានធ្វើសំណើសុំចែកអំណាចជាមួយក្រុមតាលីបង់ ជាថ្នូរនឹងការបញ្ឈប់អំពើហិង្សាដែលកំពុងកើនឡើងនៅក្នុងប្រទេស។ នេះបើយោងតាមប្រភពរដ្ឋាភិបាលកំពូលមួយ ប្រាប់ Al Jazeera។
ព័ត៌មាននេះ ក៏ត្រូវបានរាយការណ៍នៅក្នុងប្រព័ន្ធផ្សព្វផ្សាយក្នុងស្រុករបស់អាហ្វហ្គានីស្ថានផងដែរ កាលពីថ្ងៃព្រហស្បតិ៍ ហើយវាបានកើតឡើង ស្របពេលក្រុមប្រដាប់អាវុធដណ្តើមបានទីក្រុង Ghazni ជាទីក្រុងទី១០ ដែលវាយយកបានក្នុងរយៈពេលមួយសប្តាហ៍។
ប្រភពនេះបានប្រាប់ Al Jazeera ថា សំណើនេះ ត្រូវបានបង្ហាញដល់ក្រុមតាលីបង់ដោយប្រយោល តាមរយៈប្រទេសកាតា ដែលជាទីតាំងមានការិយាល័យនយោបាយរបស់ក្រុមតាលីបង់និងជាកន្លែងនៃការបន្តកិច្ចចរចាសន្តិភាពអាហ្វហ្គានីស្ថាន។
ទោះបីជាយ៉ាងណាក៏ដោយ វិមានប្រធានាធិបតីនៅទីក្រុងកាប៊ុល មិនបានបញ្ជាក់ពីរឿងនេះទេ ដោយនិយាយថា គ្មានការផ្លាស់ប្តូរផែនការរបស់ខ្លួនឡើយ ខណៈកិច្ចចរចាសន្តិភាពកំពុងត្រូវបានរៀបចំឡើងនៅរដ្ឋធានីដូហា របស់ប្រទេសកាតា។
លោក Abdullah Abdullah ប្រធានក្រុមប្រឹក្សាជាន់ខ្ពស់ សម្រាប់ការផ្សះផ្សារជាតិ កំពុងជួបជាមួយក្រុមមន្រ្តីមកពីសហរដ្ឋអាមេរិក ចិន រុស្ស៊ីនិងប្រទេសជិតខាងក្នុងតំបន់របស់ អាហ្វហ្គានីស្ថាននៅទីក្រុង ដូហា។
កាលពីថ្ងៃព្រហស្បតិ៍ លោក Abdullah បាននិយាយថា ផែនការសន្តិភាពរបស់រដ្ឋាភិបាល ត្រូវបានចែករំលែកជាមួយរដ្ឋាភិបាលកាតា ប៉ុន្តែលោកមិនបានសំដៅទៅសំណើជាមួយក្រុមតាលីបង់ទេ៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ ក្ដៅៗ តាលីបង់ ប្រកាសវាយដណ្ដើមបានទីក្រុងសំខាន់ៗបន្ថែមទៀតរបស់ អាហ្វហ្គានីស្ថាន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល