Pfizer ចាប់ផ្តើមផ្តល់ថ្នាំលេបសម្រាប់ព្យាបាលអ្នកជំងឺកូវីដ-១៩

ប្រភពពីគេហទំព័រ SKY បានឱ្យដឹងថា ក្រុមហ៊ុន Pfizer-Biotech បានចាប់ផ្តើមការពិសោធន៍ព្យាបាលអ្នកជំងឺកូវីដ-១៩ តាមរយៈថ្នាំលេប ឈានដល់ដំណាក់កាលចុងក្រោយហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនឱសថអាល្លឺម៉ង់មួយនេះថ្លែងថា ខ្លួនកំពុងចាប់ផ្តើមផ្តល់ការព្យាបាលប្រឆាំងនឹងមេរោគកូវីដ-១៩ តាមរយៈថ្នាំគ្រាប់ ចំពោះអ្នកជំងឺពេញវ័យដែលមិនសម្រាកព្យាបាលនៅមន្ទីរពេទ្យ ហើយវាត្រូវបានឱ្យឈ្មោះថា PF-07321332 ។

ប្រភពដដែលបន្តថា ការសាកល្បងក្នុងពេលពាក់កណ្តាលនៃដំណាក់កាលចុងក្រោយរបស់ក្រុមហ៊ុន Pfizer មានអ្នកចូលរួមស្មគ្រចិត្តចំនួន ១១៤០ នាក់។ ពួកគេកំពុងសិក្សាឱ្យអ្នកស្មគ្រចិត្តទាំងនោះប្រើវិធីព្យាបាលរួមគ្នារវាងថ្នាំ PF-07321332  ជាមួយនឹងថ្នាំប្រឆាំងវីរុសមួយប្រភេទទៀតគឺ ritonavir ។ ប៉ុន្តែថ្នាំនេះប្រើក្នុងកម្រិតទាបប៉ុណ្ណោះ។

ក្រុមហ៊ុនសង្ឃឹមថា ថ្នាំ PF-07321332  នឹងរារាំងសកម្មភាពរបស់អង់ហ្ស៊ីមសំខាន់ដែលជាភ្នាក់ងារចម្លងវីរុស និងជួយបញ្ឈប់មេរោគមុនពេលវាវិវត្តខ្លួនក្នុងរាងកាយមនុស្ស។

ប្រសិនបើការសាកល្បងទទួលបានជោគជ័យ ថ្នាំនេះនឹងដាក់ការស្នើសុំអនុញ្ញាតឱ្យប្រើប្រាស់នៅសហរដ្ឋអាមេរិក ក្នុងពេលឆាប់ៗខាងមុខ៕

ប្រែសម្រួល៖ សន្យា

ចុចអាន៖ ក្រៅពីវ៉ាក់សាំង ថ្នាំគ្រាប់៤ប្រភេទនេះ អាចជាអាវុធរបស់ពិភពលោកក្នុងការកម្ចាត់កូវីដ

ចុចអាន៖ អ្នកវិទ្យាសាស្រ្ត សិក្សាយកពិសពស់វែក ទៅផលិតថ្នាំ ប្រឆាំងកូវីដ

ចុចអាន៖ ការសិក្សា៖ កុមារមួយចំនួនបន្តចេញរោគសញ្ញាកូវីដជិត ៤ខែ ក្រោយជាសះស្បើយ