ព័ត៌មានអន្ដរជាតិ

វិភាគលើតម្លៃព្យាបាលកូវីដនិងចាក់វ៉ាក់សាំងនៅអាមេរិកខ្ពស់ណាស់

បានផុស

៥ years មុន

នៅ

ថ្ងៃសុក្រ ១០ កញ្ញា ២០២១

ដោយ

អ្នកទទួលផលពីសេវាថែទាំសុខភាព (Medicare) ចូលព្យាបាលនៅមន្ទីរពេទ្យជាមួយនឹងការចំណាយតម្លៃកូវីដ-១៩លើកម្មវិធីធានារ៉ាប់រង់សុខភាពច្រើនជាងការចាក់វ៉ាក់សាំងពេញម្នាក់ៗប្រហែលជា១៥០ដងឯណោះ។ នេះបើតាមការវិភាគរបស់ CNN បានបង្ហាញ។

ក្នុងឯកសារចេញវិក្កយបត្របានផ្សាយដោយមជ្ឈមណ្ឌលអាមេរិកសម្រាប់សេវា Medicare និង Medicaid បង្ហាញថា វ៉ាក់សាំងបង្ការកូវីដ-១៩ត្រូវបានផ្តល់ឲ្យដោយតម្លៃប្រយោលដល់ពលរដ្ឋអាមេរិក ប៉ុន្តែសេវា Medicare ផ្តល់សំណងដល់អ្នកផ្តល់ការថែទាំសុខភាពដល់១៥០ដុល្លារអាមេរិកទៅអ្នកទទួលផលដែលបានចាក់វ៉ាក់សាំងពេញទាំងពីរដូសរវាងវ៉ាក់សាំង Pfizer/BioNtech និង Moderna។ នោះមានន័យថា ក្នុងមួយៗដូសតម្លៃ៤០ដុល្លារ និងតម្លៃ៣៥ដុល្លារទៀតសម្រាប់ការទៅចាក់ដល់ផ្ទះ ឬក្រុមកន្លែងរស់នៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមជាមួយគ្នានេះ តម្លៃជាមធ្យមដើម្បីចូលព្យាបាលនៅមន្ទីរពេទ្យចំពោះអ្នកទទួលផល Medicare ម្នាក់ៗដែលឆ្លងកូវីដ-១៩ គឺ ២១៧៥២ដុល្លារអាមេរិកដែលជាមធ្យមស្នាក់នៅរយៈពេល៩.២ថ្ងៃ។ នេះបើយោងតាមការសិក្សាចេញផ្សាយកាលពីខែសីហានៅ Annals of Internal Medicine។ នោះគឺប្រហែលជា១៤៥ដងនៃតម្លៃចាក់វ៉ាក់សាំងចំពោះអ្នកទទួលផល Medicare ម្នាក់។

តម្លៃជាមធ្យមពាក់ព័ន្ធនឹងការចូលព្យាបាលកូវីដ-១៩នៅមន្ទីរពេទ្យរឹតតែខ្ពស់ ប្រសិនបើអ្នកជំងឺម្នាក់ត្រូវការបំពងខ្យល់ ដែលនាំឲ្យតម្លៃជាមធ្យមគឺ៤៩៤៤១ដុល្លារអាមេរិកសម្រាប់រយៈពេលស្នាក់នៅ១៧.១ថ្ងៃ ឬច្រើនជាង៣០០ដងនៃថ្លៃចាក់វ៉ាក់សាំង។

តាមការវិភាគរបស់មូលនិធិគ្រួសារ Kaiser បានបង្ហាញថា ការចូលព្យាបាលកូវីដ-១៩នៅមន្ទីរពេទ្យក្នុងសហរដ្ឋអាមេរិកបានកើនឡើងជាថ្មី បន្ទាប់ពីវីរុសបំប្លែងខ្លួនឆ្លងកាច Delta រាតត្បាតខ្លាំងនារដូវក្តៅ។ ក្នុងខែមិថុនា និងកក្កដា មានអ្នកជំងឺកូវីដ-១៩ដែលអាចការពារបានចូលមន្ទីរពេទ្យជាង១០ម៉ឺននាក់ក្នុងចំណោមមនុស្សដែលមិនទាន់ចាក់វ៉ាក់សាំង។

ការវិភាគនិយាយថា ដោយសន្មត់ពីតម្លៃម្នាក់ៗប្រហែលជា២០០០០ដុល្លារអាមេរិក ដូច្នេះតម្លៃព្យាបាលនៅមន្ទីរពេទ្យទាំងនោះនៅក្នុងប្រព័ន្ធសុខាភិបាលអាមេរិកជាង២ប៊ីលានដុល្លារអាមេរិក ដែលគូសបញ្ជាក់ពីការចាក់វ៉ាក់សាំងមានសារៈសំខាន់ប្រឆាំងនឹងកូវីដ។

ទិន្នន័យនីមួយៗពីសេវាសុខភាព និងមនុស្សអាមេរិកបង្ហាញថា មានអ្នកជំងឺកូវីដជិត១០២០០០នាក់កំពុងព្យាបាលនៅមន្ទីរពេទ្យទូទាំងប្រទេស ក្នុងនោះជាង២៥៨០០នាក់ត្រូវការគ្រែ និងព្យាបាលកម្រិតខ្ពស់។

លោកវេជ្ជបណ្ឌិត Vivek Murthy អ្នកជំនាញវះកាត់ទូទៅអាមេរិកបាននិយាយកាលពីថ្ងៃពុធថា ៖«យើងដឹងពីផ្លូវដើម្បីបញ្ចប់កូវីដនេះ។ នោះគឺការចាក់វ៉ាក់សាំង»។

យោងតាមទិន្នន័យពីមជ្ឈមណ្ឌលគ្រប់គ្រង និងបង្ការជំងឺឆ្លង(CDC) អាមេរិកបង្ហាញថា ពលរដ្ឋអាមេរិកប្រហែល៥៣%បានចាក់វ៉ាក់សាំងពេញលេញ ខណៈជិត២៧%នៃប្រជាជនមានសិទ្ធិចាក់វ៉ាក់សាំង រាប់ទាំងក្មេងអាយុ១២ឆ្នាំ និងច្រើនជាងនេះនៅមិនទាន់ចាក់វ៉ាក់សាំង៕

ប្រែសម្រួល៖ វីរបុត្រ
ប្រភព៖ CNN