ព័ត៌មានអន្ដរជាតិ
ចាក់ AstraZeneca ឆ្លាស់ជាមួយវ៉ាក់សាំងចាក់តែមួយដូសរបស់ រុស្ស៊ី បង្កើនអង់ទីគ័របន្ថែមចំនួន ៤ ដង
មូលនិធិវិនិយោគផ្ទាល់របស់រុស្ស៊ី (RDIF) បាននិយាយកាលពីថ្ងៃចន្ទថា លទ្ធផលបឋមនៃការសិក្សាព្យាបាលនៅក្នុងប្រទេសអាស៊ែបៃហ្សង់នៃការប្រើប្រាស់វ៉ាក់សាំង AstraZeneca ចាក់ឆ្លាស់គ្នាជាមួយវ៉ាក់សាំងចាក់តែមួយដូស Sputnik Light របស់រុស្ស៊ីបង្ហាញពីការឆ្លើយតបអង់ទីគ័រខ្លាំងក្លា ។
ការសិក្សានោះបានចាប់ផ្តើមនៅខែកុម្ភៈ ឆ្នាំ ២០២១ ហើយចាប់តាំងពីពេលនោះមកមានអ្នកស្ម័គ្រចិត្ត ១០០ នាក់ ។
ចំណែកទិន្នន័យបច្ចុប្បន្នប្រមូលពីអ្នកចូលរួមដែលបានចាក់វ៉ាក់សាំងពេញ ២ ដូសចំនួន ២០ នាក់ដំបូងនៃការធ្វើតេស្តដែលបានចាក់វ៉ាក់សាំង AstraZeneca ដូសដំបូង និងវ៉ាក់សាំង Sputnik Light ជាដូសទី ២ រយៈពេល ២៩ ថ្ងៃ មានការកើនឡើងអង់ទីគ័រចំនួន ៤ ដង ឬខ្ពស់ជាងនេះចំពោះសរសៃប្រូតេអ៊ីនភ្ជាប់ ។
RDIF បាននិយាយថា ការកើនឡើងអង់ទីគ័រចំនួន ៤ ដង ឬខ្ពស់ជាងនេះចំពោះសរសៃប្រូតេអ៊ីនភ្ជាប់ ត្រូវបានរកឃើញនៅក្នុងអ្នកស្ម័គ្រចិត្ត ៨៥ ភាគរយនៅថ្ងៃទី ៥៧ នៃការស្រាវជ្រាវ ។
គួរបញ្ជាក់ថា កិច្ចព្រមព្រៀងដំបូងស្តីពីការសាកល្បងព្យាបាលរួមគ្នានៃការប្រើប្រាស់វ៉ាក់សាំង AstraZeneca និងវ៉ាក់សាំង Sputnik Light ត្រូវបានចុះហត្ថលេខាដោយ RDIF វិទ្យាស្ថានស្រាវជ្រាវ Gamaleya ប្រទេសរុស្ស៊ី ក្រុមហ៊ុនវ៉ាក់សាំង AstraZeneca និងក្រុមហ៊ុន R-Pharm កាលពីខែធ្នូ ឆ្នាំ ២០២០ ។
ទន្ទឹមនោះ ក្រៅពីប្រទេសអាស៊ែបៃហ្សង់ ការសាកល្បងចាក់វ៉ាក់សាំងឆ្លាស់គ្នានេះកំពុងដំណើរការអារ៉ាប់រួម និងរុស្ស៊ី ខណៈប្រទេសបេឡារុសក៏បានយល់ព្រមលើការសាកល្បងស្រដៀងគ្នានេះដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ចាក់ AstraZeneca រួច ចេញអាការទាំង៦នេះ គឺជាសញ្ញានៃការកកឈាម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង