ព័ត៌មានអន្ដរជាតិ
មកមើលទិដ្ឋភាព គ្រោះទឹកជំនន់ដ៏ធ្ងន់ធ្ងរ នៅប្រទេស ថៃ
ទីក្រុងបាងកកនិងតំបន់ផ្សេងទៀតនៃភាគកណ្តាលប្រទេសថៃ បានទទួលការព្រមានថ្មីអំពីគ្រោះទឹកជំនន់ធ្ងន់ធ្ងរ ដែលអាចកើតមានឡើង បើទោះបីជាអាជ្ញាធរផ្នែកគ្រោះមហន្តរាយ និយាយថា ការគំរាមកំហែងបានធូរស្រាលនៅក្នុងខេត្តចំនួន ១៣ ក្នុងចំណោមខេត្តចំនួន ៣០ ផ្សេងទៀត ដែលត្រូវវាយប្រហារដោយភ្លៀងមូសុងក៏ដោយ។
នាយកដ្ឋានបង្ការនិងកាត់បន្ថយគ្រោះមហន្តរាយបាននិយាយកាលពីថ្ងៃពុធថា មនុស្សចំនួន ៧ នាក់បានស្លាប់និង ២ នាក់ទៀតបាត់ខ្លួន ចាប់តាំងពីថ្ងៃអាទិត្យមក ដោយសារទឹកជំនន់ដែលបង្កឡើងដោយព្យុះត្រូពិក Dianmu។
នាយកដ្ឋានបានប្រកាសថា គ្រួសារចំនួន ១៩៧,៧៩៥ នៅក្នុងខេត្តទាំង ៣០ ដែលភាគច្រើននៅភាគខាងជើង ភាគឦសាននិងភាគកណ្តាល បានរងផលប៉ះពាល់ ពោលគឺកើនឡើង ៥៦ ភាគរយបើធៀបនឹង ១២៦,៧៨១ គ្រួសារដែលបានរាយការណ៍កាលពីមួយថ្ងៃមុននោះ ខណៈមានការព្យាករណ៍អំពីភ្លៀងធ្លាក់ខ្លាំងនៅតំបន់មួយចំនួន។
បរិមាណទឹកដ៏ច្រើនដែលហូរចុះពីទន្លេ Chao Phraya ពីភាគខាងជើង បានធ្វើឲ្យទំនប់និងអាងស្តុកទឹកត្រូវហូរហៀរ ដែលបណ្តាលឲ្យមានការព្រមានជាបន្ទាន់ដល់ទីក្រុងបាងកកនិងខេត្ត Lopburi, Saraburi, Ayutthaya, Pathum Thani និង Nonthaburi។
នៅលើទំព័រ Facebook កាលពីថ្ងៃពុធ អភិបាលក្រុងបាងកកលោក Aswin Kwanmuang បានទទួលស្គាល់ថា ដោយសារតែរាជធានីស្ថិតនៅលើដីទំនាប វាងាយរងគ្រោះដោយសារទឹកជំនន់ពីទន្លេ Chao Phraya ណាស់ហើយមិនអាចរំដោះទឹកបានលឿនទេ៕
ប្រែសម្រួល៖ Vann Vann
ប្រភព៖ Al Jazeera
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល