ទឹកជំនន់នៅថៃ សម្លាប់មនុស្សបន្ថែមទៀត

នាយកដ្ឋានបង្ការនិងកាត់បន្ថយគ្រោះមហន្តរាយថៃ បានរាយការណ៍នៅថ្ងៃពុធទី២៩ខែកញ្ញាថា ចំនួនអ្នកស្លាប់ដោយសារព្យុះ Dianmu នៅប្រទេសថៃ បានកើនឡើងដល់ ៧ នាក់ហើយ ខណៈទឹកជំនន់នៅតែបន្តវាយប្រហារខ្លាំងក្លាក្នុងខេត្តចំនួន១៦។

ចាប់ពីថ្ងៃទី ២៣ ខែកញ្ញាមក ទឹកជំនន់ដែលបង្កឡើងដោយព្យុះនេះ បានបង្កផលប៉ះពាល់ដល់គ្រួសារ ១៩៧,៧៩៥ គ្រួសារនៅក្នុងខេត្តចំនួន ៣០។

មនុស្សចំនួន ៧ នាក់ ត្រូវបានបញ្ជាក់ថា ស្លាប់ដោយសារទឹកជំនន់រីឯ មនុស្សម្នាក់នៅតែបាត់ខ្លួន។

ទីភ្នាក់ងារការពារជនស៊ីវិលបាននិយាយថា កម្រិតទឹកទន្លេ Chao Phraya បានកើនឡើងយ៉ាងគំហុក ហើយមានការព្រមានអំពីគ្រោះទឹកជំនន់នៅតំបន់ទាំងអស់ រួមទាំងរាជធានីបាងកកផងដែរ។

គួរបញ្ជាក់ថា ទឹកជំនន់ គឺជារឿងធម្មតាក្នុងរដូវវស្សានៅប្រទេសថៃ ចាប់ពីខែកក្កដាដល់ខែតុលា៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ជំនន់ទឹកភ្លៀងដែលវាយប្រហារស្ទើរពាក់កណ្ដាលខេត្តប្រទេស ថៃ ពេលនេះមានអ្នកស្លាប់ និងបាត់ខ្លួន