ព័ត៌មានអន្ដរជាតិ
ក្រុមហ៊ុនឱសថ BioNTech ចាប់ផ្ដើមសាកល្បងវ៉ាក់សាំងការពារជំងឺសាហាវបំផុតទី ២ លើលោក
ក្រុមហ៊ុនផលិតជីវឱសថអាល្លឺម៉ង់បានប្រកាសកាលពីថ្ងៃសុក្រថា ការសាកល្បងដំណាក់កាលទី ២ នៃវ៉ាក់សាំងជំងឺមហារីកដែលប្រើបច្ចេកវិទ្យា mRNA បង្កើតឡើងដោយក្រុមហ៊ុន BioNTech បានចាប់ផ្តើមហើយ ។
ក្រុមហ៊ុនបាននិយាយនៅក្នុងសេចក្តីថ្លែងការណ៍មួយថា អ្នកជំងឺមហារីកពោះវៀនធំដំបូងគេត្រូវបានចាក់វ៉ាក់សាំងប្រភេទ BNT122 ក្នុងការសាកល្បងព្យាបាលដំណាក់កាលទី ២ ។
លោកស្រី Ozlem Tureci សហស្ថាបនិក និងជាប្រធានផ្នែកវេជ្ជសាស្ត្រនៃក្រុមហ៊ុន BioNTech បាននិយាយថា ការសាកល្បងនេះ គឺជាព្រឹត្តិការណ៍សំខាន់មួយនៅក្នុងកិច្ចខិតខំប្រឹងប្រែង អស់រយៈពេលជាច្រើនឆ្នាំរបស់ក្រុមហ៊ុនក្នុងការអភិវឌ្ឍការព្យាបាល ដោយចាក់ថ្នាំបង្ការរោគសម្រាប់អ្នកជំងឺមហារីក ។
លោកស្រីបាននិយាយថា “ជំងឺមហារីកបានវិវត្តតាមរបៀបដែលអ្នកជំងឺមាន ដំបូងមិនមានដុំសាច់នោះទេ បន្ទាប់ពីវះកាត់ ប៉ុន្តែពេលខ្លះដុំសាច់ក៏ដុះដែលដំបូងមើលមិនឃើញបានលូតលាស់ ហើយបង្កើតជាការរាលដាលទៅជាជំងឺមហារីកដំណាក់ចុងក្រោយ” ។
លោកស្រីបានបន្ថែមថា “នៅក្នុងការសាកល្បងព្យាបាលនេះ បានធ្វើឡើងចំពោះអ្នកជំងឺមហារីកពោះវៀនធំ ហើយយើងមានគោលបំណងកំណត់អ្នកជំងឺដែលមានហានិភ័យខ្ពស់ជាមួយនឹងការធ្វើតេស្តឈាម និងធ្វើការស៊ើបអង្កេតថាតើវ៉ាក់សាំង mRNA អាចការពារការកើតមានឡើងវិញនៃដុំសាច់បានឬអត់” ។
ការសាកល្បងនេះនឹងចុះបញ្ជីអ្នកជំងឺមហារីកពោះវៀនធំដែលមានហានិភ័យខ្ពស់ប្រមាណ ២០០ នាក់ ហើយវានឹងត្រូវបានអនុវត្តនៅសហរដ្ឋអាមេរិក អាល្លឺម៉ង់ អេស្ប៉ាញ និងបែលហ្ស៊ិក ។
គួរបញ្ជាក់ថា មហារីកពោះវៀនធំ គឺជាមហារីកដ៏សាហាវបំផុតទី ២ នៅទូទាំងពិភពលោក ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ក្រុមហ៊ុនវ៉ាក់សាំង BioNTech ថា ពិភពលោកកុំភ័យខ្លាចរស់នៅជាមួយ កូវីដ វានឹងអាចគ្រប់គ្រងបាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង