ព័ត៌មានអន្ដរជាតិ

ទិន្នន័យកាណាដា៖ អត្រារលាកបេះដូងខ្ពស់ជាង បន្ទាប់ពីចាក់វ៉ាក់សាំងកូវីដ Moderna

បានផុស

៥ years មុន

នៅ

ថ្ងៃចន្ទ ៤ តុលា ២០២១

ដោយ

ក្រសួងសុខាភិបាលកាណាដាបាននិយាយកាលពីចុងសប្តាហ៍កន្លងទៅនេះថា ទិន្នន័យបានរាយការណ៍ពីករណីរលាកបេះដូងកម្រគឺមានអត្រាខ្ពស់ជាង បន្ទាប់ពីចាក់វ៉ាក់សាំងបង្ការកូវីដ-១៩ Moderna ប្រៀបធៀបជាមួយវ៉ាក់សាំង Pfizer-BioNTech។

សេចក្តីថ្លែងការណ៍មួយពីភ្នាក់ងារសុខភាពសាធារណៈកាណាដាបាននិយាយថា ទិន្នន័យតាមដានសុវត្ថិភាពវ៉ាក់សាំងនៅប្រទេសកាណាដាបានបង្ហាញពីអត្រាខ្ពស់ជាងនៃជំងឺរលាកសាច់ដុំបេះដូង និង/ឬរលាកស្រោមបេះដូងដែលត្រូវបានរាយការណ៍ បន្ទាប់ពីចាក់វ៉ាក់សាំង Moderna បើប្រៀបធៀបជាមួយវ៉ាក់សាំង Pfizer-BioNTech។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យក៏បានលើកឡើងថា ការរលាកបេះដូងបានកើតមានញឹកញាប់លើមនុស្សវ័យជំទង់ និងមនុស្សធំក្រោមអាយុ៣០ឆ្នាំ ហើយភាគច្រើនជាបុរស និងកើតមានញឹកញាប់ក្រោយពេលចាក់ដូសទី២នៃវ៉ាក់សាំង mRNA ហើយកើតមានច្រើនបំផុតក្នុងរយៈពេល៧ថ្ងៃ។

សេចក្តីថ្លែងការណ៍បាននិយាយថា ភាគច្រើននៃអ្នកដែលកើតមានផលរំខានគឺកម្រិតស្រាល និងជាសះស្បើយវិញយ៉ាងឆាប់រហ័ស។

របាយការណ៍បង្ហាញថា ហានិភ័យនៃផលវិបាកបេះដូង ដែលក្នុងនោះមានការរលាកបេះដូងជាដើមត្រូវបានបង្ហាញពីការកើនឡើងគួរឲ្យកត់សំគាល់ បន្ទាប់ពីឆ្លងកូវីដ-១៩ ដែលមានហានិភ័យខ្ពស់ជាងក្រោយពេលឆ្លង បន្ទាប់ពីចាក់វ៉ាក់សាំង។

និយ័តករនៅសហរដ្ឋអាមេរិក សហភាពអឺរ៉ុប និងអង្គការសុខភាពពិភពលោកបាននិយាយថា អត្ថប្រយោជន៍ការចាក់វ៉ាក់សាំង mRNA ការពារជំងឺកូវីដ-១៩មិនឲ្យមានហានិភ័យខ្ពស់៕

ប្រែសម្រួល៖ វីរបុត្រ
ប្រភព៖ Reuters

Related Topics:វ៉ាក់សាំងកូវីដ-១៩