រុស្ស៊ី ចាប់ផ្តើមការសាកល្បងទ្រង់ទ្រាយធំលើវ៉ាក់សាំងទី២របស់ខ្លួន – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

រុស្ស៊ី ចាប់ផ្តើមការសាកល្បងទ្រង់ទ្រាយធំលើវ៉ាក់សាំងទី២របស់ខ្លួន

Published

on

ទីភ្នាក់ងារសារព័ត៌មាន RIA បានដកស្រង់ប្រភពពីក្រុមឃ្លាំមើលសុខភាព Rospotrebnadzor ​ដែលបានឲ្យដឹងថា នៅថ្ងៃអង្គារនេះ ប្រទេសរុស្ស៊ីបានចាប់ផ្តើមការសាកល្បងទ្រង់ទ្រាយធំនៃវ៉ាក់សាំងការពារជំងឺកូវីដ១៩របស់ខ្លួនឈ្មោះ EpiVacCorona លើមនុស្សដែលមានអាយុលើស១៨ឆ្នាំ។

ក្រុមឃ្លាំមើលបាននិយាយថា វ៉ាក់សាំង EpiVacCorona ដែលកំពុងត្រូវបានបង្កើតឡើងដោយវិទ្យាស្ថាន Vector ក្នុងតំបន់ Siberia ត្រូវបានអនុញ្ញាតឲ្យធ្វើការសាកល្បងលើអ្នកស្ម័គ្រចិត្តដែលមានអាយុលើស៦០ឆ្នាំចំនួន១៥០នាក់និងអ្នកស្ម័គ្រចិត្តអាយុលើស១៨ឆ្នាំចំនួន៣,០០០នាក់។

ទីភ្នាក់ងារសារព័ត៌មាន TASS បានដកស្រង់សម្តីក្រុមឃ្លាំមើលនេះដែលបាននិយាយថា ការសាកល្បងនឹងត្រូវធ្វើឡើងនៅក្នុងទីក្រុងមូស្គូនិងទីក្រុងជាច្រើនទៀតរួមមាន Kazan និង Kaliningrad ផងដែរ។

ករណីវីរុសកូរ៉ូណាបានកើនឡើងខ្លាំងនៅក្នុងប្រទេសរុស្ស៊ីចាប់តាំងពីខែកញ្ញាមកប៉ុន្តែអាជ្ញាធរបានប្រឆាំងនឹងការដាក់វិធានការបិទប្រទេសដ៏តឹងរ៉ឹងហើយបាននិយាយថា វិធានការគោលដៅគឺគ្រប់គ្រាន់ហើយដើម្បីទប់ទល់នឹងវិបត្តិនេះ។

ប្រទេសរុស្ស៊ីបាននិយាយកាលពីដើមខែនេះថា វ៉ាក់សាំងរបស់ខ្លួនមួយទៀតឈ្មោះ Sputnik V មានប្រសិទ្ធភាព៩២ភាគរយក្នុងការការពារមនុស្សពីជំងឺកូវីដ១៩។

អាជ្ញាធរបានបញ្ជាក់ពីករណីឆ្លងវីរុសកូរ៉ូណាថ្មីចំនួន២៦,៣៣៨ករណីកាលពីថ្ងៃចន្ទដែលធ្វើឲ្យចំនួនសរុបទូទាំងប្រទេសកើនដល់២,២៩៥,៦៥៤ករណីចាប់តាំងពីជំងឺរាតត្បាតចាប់ផ្តើម។

មនុស្សចំនួន៣៦៨នាក់បានស្លាប់ក្នុងរយៈពេល២៤ម៉ោងចុងក្រោយដែលធ្វើឲ្យចំនួនអ្នកស្លាប់ផ្លូវការកើនដល់៣៩,៨៩៥នាក់៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ អ្នកវិភាគអាមេរិក ៖ ចិនផ្តល់វ៉ាក់សាំងកូវីដ ១៩ ដល់លោក គីម ជុងអ៊ុន

ចុចអាន៖ ក្រុមហ៊ុន Moderna ដាក់ពាក្យសុំអនុញ្ញាតឲ្យប្រើប្រាស់វ៉ាក់សាំងរបស់ខ្លួនជាបន្ទាន់ក្រោយការធ្វើតេស្តបង្ហាញប្រសិទ្ធភាពលើស៩៤ភាគរយ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 mins ago

លោកជំទាវ​ម៉ែន សំអន ផ្តាំផ្ញើ​ឲ្យ​ក្រុមការងារ​គណៈ​ចលនា​មហាជន ទូទាំង​ប្រទេស​បន្ត​ចុះ​ជួយ​ដោះស្រាយ​ទុក្ខ​លំបាក​ពលរដ្ឋ​ផ្ទាល់

ព័ត៌មានជាតិ15 mins ago

ធនាគារជាតិ​ប្រកាស​ដាក់​ឲ្យ​ដំណើរការ​ជា​ផ្លូវការ​នូវ​«​ប្រព័ន្ធ​រី​ធែ​ល​ផ‍េ​»​ដែល​អាច​ទូទាត់​សាច់ប្រាក់​ដោយ​មិនបាច់​ប្រើ​រូបិយប័ណ្ណ

ព័ត៌មានជាតិ27 mins ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

ព័ត៌មានជាតិ55 mins ago

តុលា​កា​រប​ញ្ជា​ឲ្យ​នាំខ្លួនលោកស្រី​ឧកញ៉ា​ អ៊ាន​ សៀវម៉ី ប​ន្ទា​ប់​ពី​មិន​ចូល​បំភ្លឺតាមការកោះហៅ

ព័ត៌មានជាតិ1 hour ago

របាយការផ្លូវការ ប្រជាជនកម្ពុជា​កើនជាង ២ លាន​នាក់ ខេត្ត​ក្រុង ៤ មាន​ចំនួនប្រជាជនច្រើនជាងគេ

Sokha Hotels

ព័ត៌មានពេញនិយម

Helistar Cambodia - Helicopter Charter Services