Connect with us

ព័ត៌មានអន្ដរជាតិ

អ៊ីស្រាអែល ចាប់ផ្តើមធ្វើតេស្តរកកូវីដតាមទឹកមាត់ លទ្ធផលមិនចាញ់ម៉ាស៊ីន PCR

បានផុស

នៅ

ក្រសួងសុខាភិបាល សាកលវិទ្យាល័យ Bar Ilan (BIU) និងក្រសួងការពារជាតិអ៊ីស្រាអេលបាននិយាយនៅក្នុងសេចក្តីថ្លែងការណ៍រួមមួយកាលពីថ្ងៃព្រហស្បតិ៍ថា ប្រទេសអ៊ីស្រាអែលបានចាប់ផ្តើមធ្វើតេស្តរកកូវីដតាមរយៈទឹកមាត់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការយកសំណាកនេះត្រូវបានអនុវត្តនៅក្នុងបរិវេណធ្វើតេស្តមួយនៅទីក្រុងឆ្នេរសមុទ្រ Tel Aviv ដែលជាផ្នែកមួយនៃយុទ្ធនាការសាកល្បងរយៈពេល ២ សប្តាហ៍ដើម្បីបញ្ជាក់ពីសុពលភាពនៃការធ្វើតេស្តទឹកមាត់ ។

ជាផ្នែកមួយនៃការសាកល្បងនេះ មនុស្សរាប់រយនាក់ដែលមានអាយុខុសគ្នានឹងត្រូវបានធ្វើតេស្តទាំងទឹកមាត់ និងការយកសំណាកតេស្តនៅម៉ាស៊ីន PCR ដើម្បីប្រៀបធៀបលទ្ធផល និងបង្ហាញសុវត្ថិភាពនៃការធ្វើតេស្តតាមរយៈទឹកមាត់នេះ ។

ទន្ទឹមនោះ ការសាកល្បងធ្វើតេស្តទឹកមាត់នេះត្រូវបានបង្កើតឡើងដោយសាកលវិទ្យាល័យ BIU ហើយត្រូវបានសាកល្បងដោយជោគជ័យនៅក្នុងមន្ទីរពិសោធន៍មួយ ហើយវាមានភាពត្រឹមត្រូវប្រហាក់ប្រហែលនឹងការយកសំណាកទៅតេស្តនៅម៉ាស៊ីន PCR ។

ចំណែកពេលវេលារង់ចាំសម្រាប់លទ្ធផលតេស្តទឹកមាត់នេះគឺប្រហែល ៤៥ នាទី ពោលវាជំនួសឲ្យការរង់ចាំច្រើនម៉ោងនៅក្នុងយកសំណាកទៅតេស្តធម្មតា ។

កម្មវិធីនេះត្រូវបានរួមបញ្ចូលនៅក្នុងកិច្ចខិតខំប្រឹងប្រែងរួមគ្នាដើម្បីកំណត់អត្តសញ្ញាណ និងអភិវឌ្ឍបច្ចេកវិទ្យាថ្មីៗ ដែលជាផ្នែកមួយនៃសកម្មភាពជាតិដើម្បីប្រយុទ្ធប្រឆាំងនឹងជំងឺឆ្លង ។

កិច្ចខិតខំប្រឹងប្រែងនេះដឹកនាំដោយអង្គភាពថែទាំសុខភាពអ៊ីស្រាអែលរបស់ក្រសួងសុខាភិបាល ដែលមានតួនាទីបញ្ជូនការច្នៃប្រឌិតពីការថែទាំសុខភាព និងរដ្ឋបាលសម្រាប់ការអភិវឌ្ឍអាវុធ និងហេដ្ឋារចនាសម្ព័ន្ធបច្ចេកវិទ្យា (MAFAT) នៅក្រសួងការពារជាតិ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ អ៊ីស្រាអែល រកឃើញថា វ៉ាក់សាំងដូសទី ៣ មានសុវត្ថិភាពខ្លាំងក្នុងចំណោមកុមារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម