ព័ត៌មានអន្ដរជាតិ

WHO បង្កើតក្រុមប្រឹក្សាវិទ្យាសាស្ត្រថ្មីសម្រាប់ស៊ើបអង្កេតប្រភពដើមជំងឺថ្មីៗ

បានផុស

២ years មុន

នៅ

ថ្ងៃព្រហស្បតិ៍ ១៤ តុលា ២០២១

ដោយ

អង្គការសុខភាពពិភពលោក (WHO) កាលពីថ្ងៃពុធម្សិលមិញបានស្នើអ្នកជំនាញ២៦រូបដើម្បីបង្កើត«ក្រុមប្រឹក្សាវិទ្យាសាស្ត្រ»ថ្មីរបស់ខ្លួនសម្រាប់ការសិក្សាស្រាវជ្រាវប្រភពដើមនៃជំងឺថ្មីៗក្នុងនោះមានទាំងមនុស្សដែលធ្លាប់បំពេញបេសកកម្មទៅទីក្រុងអ៊ូហាន ប្រទេសចិនដើម្បីសិក្សាស្រាវជ្រាវប្រភពដើមវីរុសកូរ៉ូណាផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីស្នើសុំនេះបានដាក់ឈ្មោះសមាជិកមនុស្ស២៦រូបមុនពេលកិច្ចពិគ្រោះយោបល់ជាសាធារណៈរយៈពេលពីរសប្តាហ៍ចាប់ផ្តើម ក្នុងនោះមានអ្នកស្រី Marion Koopmans, អ្នកស្រី Thea Fischer និងលោក Hung Nguyen ដែលបានចូលរួមក្នុងការស៊ើបអង្កេតប្រភពដើមនៃជំងឺកូវីដ-១៩នៅប្រទេសចិនកាលពីដើមឆ្នាំនេះ។

អង្គការសុខភាពពិភពលោកបានចាប់ផ្តើមសំណើរនេះកាលពីខែសីហា ដោយបាននិយាយថា ខ្លួនបានកំពុងស្វែងរកសម្រាប់គំនិតវិទ្យាសាស្ត្រដ៏អស្ចារ្យបំផុតដើម្បីផ្តល់ដំបូន្មានចំពោះការស៊ើបអង្កេតលើប្រភពដើមជំងឺថ្មីៗកាចសាហាវដែលកើតចេញពីសត្វទៅមនុស្ស និងអាចផ្ទុះរាតត្បាតនាពេលខាងមុខទៀត៕

ប្រែសម្រួល៖ វីរបុត្រ
ប្រភព៖ reuters