រថភ្លើងល្បឿនលឿនរត់ ១៦០ គីឡូម៉ែត្រក្នុងមួយម៉ោង លើផ្លូវដែក ចិន-ឡាវ មកដល់ទីក្រុងវៀងចន្ទន៍ហើយ

រថភ្លើងដឹកអ្នកដំណើរដំបូងគេដែលធ្វើដំណើរតាមផ្លូវដែកចិន-ឡាវទើបសាងសង់ថ្មីត្រូវបានបញ្ជូនទៅឲ្យប្រតិបត្តិកររបស់ខ្លួនហើយនៅក្នុងរដ្ឋធានីឡាវកាលពីថ្ងៃសៅរ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថភ្លើងពហុអង្គភាពអគ្គិសនី (EMU) ដែលរចនា និងសាងសង់ដោយក្រុមហ៊ុនចិនអាចរត់ក្នុងល្បឿន ១៦០ គីឡូម៉ែត្រក្នុងមួយម៉ោង ។ ពួកគេនឹងត្រូវដំណើរការដោយក្រុមហ៊ុនផ្លូវដែកឡាវ-ចិនដែលជាការបណ្តាក់ទុនរួមគ្នាសម្រាប់ការសាងសង់ និងគ្រប់គ្រងផ្លូវដែកនៅទីក្រុងវៀងចន្ទន៍ ។

រថភ្លើងនេះមានឈ្មោះថា “ឡានឆាង” ជាការគោរពចំពោះឈ្មោះអតីតកាលរបស់ប្រទេសឡាវ និងទន្លេឡានឆាង-មេគង្គដែលហូរកាត់ប្រទេសទាំងពីរ ។ ផ្នែកខាងក្រៅរបស់រថភ្លើងត្រូវបានលាបពណ៌ក្រហម ខៀវ និងស ដើម្បីតំណាងឲ្យពណ៌ទង់ជាតិឡាវ ចំណែកឯផ្នែកខាងក្នុងវិញត្រូវបានតុបតែងដោយលំនាំ “ផ្កាចំប៉ា” ដែលជានិមិត្តសញ្ញាជាតិរបស់ឡាវ ។

ជាមួយនឹងសមត្ថភាពផ្ទុកមនុស្ស ៧២០ នាក់ទូររបស់រថភ្លើងត្រូវបានបំពាក់ដោយអាហារសម្រន់ និងភេសជ្ជៈ កន្លែងសម្រាប់ជនពិការ និងសេវាកម្មព័ត៌មានជាភាសាចិន ឡាវ និងអង់គ្លេស ។

ត្រួតពិនិត្យដោយក្រុមផ្លូវដែកជាតិចិន (CNRG) រថភ្លើងនេះបានចាកចេញពីទីក្រុង Kunming ខេត្ត Yunnan ភាគនិរតីប្រទេសចិន ខណៈឯកអគ្គរដ្ឋទូតចិនប្រចាំប្រទេសឡាវលោក Jiang Zaidong និងរដ្ឋមន្ត្រីក្រសួងសាធារណការ និងដឹកជញ្ជូនឡាវលោក Bouchanh Sinthavong បានស្វាគមន៍ការមកដល់របស់រថភ្លើងនៅស្ថានីយ៍វៀងចន្ទន៍កាលពីថ្ងៃសៅរ៍ ។

គួរបញ្ជាក់ថា ការសាកល្បងសម្រាប់រថភ្លើងនឹងចាប់ផ្តើមក្នុងពេលឆាប់ៗនេះ មុនពេលការបើកដំណើរការផ្លូវដែកប្រវែង ១,០០០ គីឡូម៉ែត្រជាផ្លូវការនៅថ្ងៃទី ២ ខែធ្នូជាទិវាជាតិលើកទី ៤៦ របស់ឡាវ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ រថភ្លើងដឹកអ្នកដំណើរលើកដំបូងរត់លើផ្លូវដែក ឡាវ-ចិន នឹងមកដល់នៅសប្តាហ៍នេះ