ព័ត៌មានអន្ដរជាតិ
ថៃ កំពុងរកពិធីកម្ចាត់ក្រុម Hacker ចូលលួចលុយក្នុងកុងធនាគារ អតិថិជនរាប់ម៉ឺននាក់
ប៉ូលិសថៃកំពុងពិភាក្សាអំពីភាពតានតឹងលើសមាគមធនាគារថៃ ដោយឲ្យបង្កើតដំណោះស្រាយចំពោះបញ្ហាការលួចចូលគណនីធនាគារ ដើម្បីជញ្ជក់យកលុយអតិថិជន ។
នៅថ្ងៃទី១៩ ខែតុលា ឆ្នាំ២០២១ នៅការិយាល័យអគ្គស្នងការនគរបាលជាតិថៃ លោកឧត្តមសេនីយ៍ឯក Damrongsak Kittipraphat អគ្គស្នងការរងនគរបាលជាតិ បានជួបពិភាក្សាជាមួយតំណាងសមាគមធនាគារថៃ រួមនឹងធនាគារជាតិថៃ ការិយាល័យគណៈកម្មការអាជីវកម្មទូរទស្សន៍ និងទូរគមនាគមន៍ជាតិ និងគណៈកម្មការប្រឆាំងការលាងលុយកខ្វក់ (AMLO) ដើម្បីរៀបចំដំណោះស្រាយចំពោះបញ្ហា ការលួចចូលប្រតិបត្តិការគណនីធនាគារ (Hacked Account) ក្នុងករណីមានការលួចដកប្រាក់ពីគណនីធនាគារ កាតក្រេឌីដ ឬ គណនីឌឺបីត (Credit card or Debit account) របស់អតិថិជនខុសប្រក្រតីជាច្រើន ។
ទន្ទឹមនោះ លោកឧត្តមសេនីយ៍ឯក Damrongsak បានឲ្យដឹងនៅមុនកិច្ចពិភាក្សានោះថា រហូតមកដល់ពេលនេះ មានអ្នករងគ្រោះរាប់ម៉ឺននាក់ត្រូវបានគេលួចចូលទៅក្នុងគណនី (Hacked account) របស់ពួកគេ ដែលអ្នកខ្លះបានមកដាក់ពាក្យបណ្តឹងជាបណ្តើរៗរួចហើយមកកាន់ស្ថានីយ៍ប៉ូលិសស៊ើបអង្កេតឧក្រិដ្ឋកម្មបច្ចេកវិទ្យា និងមជ្ឈមណ្ឌលបង្រ្កាបឧក្រិដ្ឋកម្មបច្ចេកវិទ្យា ។
លោកសង្កត់ធ្ងន់ថា ប្រសិនបើប្រជាពលរដ្ឋណារងផលប៉ះពាល់ពីការលួចចូលគណនី (Hacked account) ពួកគេអាចដាក់ពាក្យបណ្តឹងនៅស្ថានីយ៍ប៉ូលិសទូទាំងប្រទេស នោះវានឹងភ្ជាប់ព័ត៌មានភ្លាមៗទៅមជ្ឈមណ្ឌលកណ្តាលដោយស្វ័យប្រវត្តិ ។
លោកបង្ហើបថា សកម្មភាពរបស់ជនខិលខូចក្នុងការលួចចូលគណនី មានលក្ខណៈដូចជា ការលួចយកទិន្នន័យពីកាតក្រេឌីត ឬ គណនីឌីបីត (Credit card or Debit account) ពីការទិញទំនិញតាមអនឡាញរបស់ប្រជាជនដើម្បីកាត់ប្រាក់ពីគណនីរបស់ជនរងគ្រោះ ។
ជាចុងក្រោយលោក Damrongsak បញ្ជាក់ថា ប៉ូលិសនឹងមានការពិភាក្សារួមគ្នាជាមួយភ្នាក់ងារពាក់ព័ន្ធម្តងទៀត ដើម្បីឈានទៅចាប់ខ្លួនជនខិលខូច ទោះបីជនខិលខូចជាជនបរទេសក៏ដោយ ហើយនឹងបន្តប្រតិបត្តិការឲ្យដល់ទីបញ្ចប់ ព្រោះការលួចចូលគណនីនេះចាត់ទុកថាជាការគំរាមកំហែងលំដាប់ប្រទេស ៕
ប្រែសម្រួលដោយ ៖ ជីវ័ន្ត
ប្រភព ៖ Komchadluek
ចុចអាន ៖ ថៃ ទទួលភ្លើងខៀវទិញថ្នាំព្យាបាលកូវីដ Molnupiravir ចំនួន ៥ ម៉ឺនគ្រាប់
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ