ព័ត៌មានអន្ដរជាតិ

ឥណ្ឌាសន្យាធ្វើឲ្យការបំភាយឧស្ម័នសូន្យច្រើនឆ្នាំជាងចិន អាមេរិក និងអឺរ៉ុប

បានផុស

៣ years មុន

នៅ

ថ្ងៃអង្គារ ២ វិច្ឆិកា ២០២១

ដោយ

លោកនាយករដ្ឋមន្ត្រីឥណ្ឌា Narendra Modi បានធ្វើការសន្យាលុបបំបាត់ការបំភាយឧស្ម័នឲ្យកម្រិតសូន្យរហូតដល់ឆ្នាំ២០៧០ ដែលនេះជាការដាក់គោលដៅលើកដំបូងរបស់ប្រទេសឥណ្ឌា ខណៈបេសកកម្មនៃកិច្ចប្រជុំស្តីពីអាកាសធាតុកំពូល COP26 ដាក់គោលដៅត្រឹមឆ្នាំ២០៥០។

សូន្យសុទ្ធ ឬការក្លាយជាកាបូនធម្មជាតិសុទ្ធមានន័យថា មិនបន្ថែមទៅលើចំនួនឧស្ម័នផ្ទះកញ្ចក់ចូលទៅក្នុងបរិយាកាស។

ប្រទេសចិនបានប្រកាសពីផែនការរបស់ខ្លួនសម្រាប់ឧស្ម័នធម្មជាតិសុទ្ធត្រឹមឆ្នាំ២០៦០ ខណៈសហរដ្ឋអាមេរិក និងសហភាពអឺរ៉ុបដាក់គោលដៅត្រឹមឆ្នាំ២០៥០។

លោកនាយករដ្ឋមន្ត្រីឥណ្ឌា Narendra Modi បាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំឥណ្ឌាស្ថិតក្នុងចំណោមមេដឹកនាំជាង១២០រូបបានចូលរួមកិច្ចប្រជុំស្តីពីអាកាសធាតុកំពូលនៅទីក្រុង Glasgow។ កាលពីថ្ងៃចន្ទមានការថ្លែងសុន្ទរកថាជាច្រើនបង្ហាញពីគោលដៅរបស់ខ្លួនជុំវិញវិបត្តិអាកាសធាតុដូចជានាយករដ្ឋមន្ត្រីអង់គ្លេសលោក Boris Johnson, ប្រធានាធិបតីអាមេរិកលោក ចូ បៃដិន និងអគ្គលេខាធិការអង្គការសហប្រជាជាតិលោក António Guterres ជាដើម។

ឥណ្ឌាជាប្រទេសបញ្ចេញឧស្ម័នកាបូនឌីអុកស៊ីតធំបំផុតលំដាប់ទី៤ក្នុងពិភពលោក បន្ទាប់ពីចិន អាមេរិក និងអឺរ៉ុប។

លោក Modi បានធ្វើការសន្យាដែលជាការសន្យាមួយក្នុងចំណោម៥ពីប្រទេសរបស់លោក។ ការសន្យាទាំងនោះមានដូចជាធ្វើឲ្យទទួលបាន៥០%នៃថាមពលកើតឡើងវិញត្រឹមឆ្នាំ២០៣០ ហើយនៅឆ្នាំដដែលនោះ កាត់បន្ថយការសាយភាយកាបូនសរុបឲ្យបាន១ប៊ីលានតោន។

ខណៈគោលដៅឧស្ម័នសូន្យសុទ្ធឆ្នាំ២០៧០អាចនឹងធ្វើឲ្យសកម្មជន និងអ្នកជំនាញនៅ Glasgow ខកចិត្ត លោក Modi ទំនងជាធ្វើឲ្យមានការចាប់អារម្មណ៍ពីគោលដៅរបស់ខ្លួន។

អ្នកសារព័ត៌មានរបស់ BBC លោក Vikas Pandey បានរាយការណ៍ថា លោកនាយករដ្ឋមន្ត្រីឥណ្ឌាទំនងជារកឃើញចំណុចកណ្តាលសម្រាប់មូលដ្ឋានរបស់ខ្លួន ដោយសារលោកត្រូវបានគេមើលឃើញកំពុងធ្ងន់ធ្ងរអំពីការប្រែប្រួលអាកាសធាតុ ប៉ុន្តែដោយគ្មានការសម្របសម្រួលពីសក្តានុពលលើសេដ្ឋកិច្ចរបស់ឥណ្ឌា៕

ប្រែសម្រួល៖ វីរបុត្រ
ប្រភព៖ BBC

Related Topics:ប្រទេសឥណ្ឌា