Connect with us

ព័ត៌មានអន្ដរជាតិ

អាមេរិក ​កំពុងភ័យ​ថា ចិន ​អាច​មាន​ក្បាល​គ្រាប់​នុយក្លេអ៊ែរ​ ៣ មុំចំនួន ១ ពាន់គ្រាប់​នៅ​ឆ្នាំ ២០៣០

បានផុស

នៅ

យោងតាមរបាយការណ៍ដែលបានចេញផ្សាយកាលពីថ្ងៃពុធ មន្ទីរបញ្ចកោណបាននិយាយថា ប្រទេសចិនអាចមានក្បាលគ្រាប់នុយក្លេអ៊ែរចំនួន ៧០០ គ្រាប់នៅឆ្នាំ ២០២៧ ហើយអាចឡើងដល់ ១,០០០ គ្រាប់នៅឆ្នាំ ២០៣០ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការប្រៀបធៀបនេះ សហរដ្ឋអាមេរិកមានអាវុធនុយក្លេអ៊ែរប្រហែល ៣,៧៥០ គ្រាប់ ហើយមិនមានគម្រោងបង្កើនបន្ថែមនោះទេ ។

ប្រទេសចិនកំពុងវិនិយោគ និងពង្រីកចំនួននុយក្លេអ៊ែរនៅលើដីគោគ ផ្លូវសមុទ្រ និងផ្លូវអាកាស ព្រមទាំងការកសាងហេដ្ឋារចនាសម្ព័ន្ធចាំបាច់ ដើម្បីគាំទ្រដល់ការពង្រីកកម្លាំងនុយក្លេអ៊ែរដ៏ធំនេះ ។

ទន្ទឹមនោះ ការវាយតម្លៃនេះបានធ្វើឡើងនៅក្នុងរបាយការណ៍ប្រចាំឆ្នាំរបស់ក្រសួងការពារជាតិសហរដ្ឋអាមេរិកទៅកាន់សភាស្តីពីការអភិវឌ្ឍន៍យោធារបស់ចិន ។

ដូចសហរដ្ឋអាមេរិក និងរុស្ស៊ី ដែលជាមហាអំណាចនុយក្លេអ៊ែរឈានមុខគេទាំងពីរ ប្រទេសចិនកំពុងសាងសង់ “អាវុធនុយក្លេអ៊ែរ ៣ មុំ” ដែលមានសមត្ថភាពបញ្ជូនអាវុធនុយក្លេអ៊ែរពីមីស៊ីលផ្លោងបាញ់នៅលើដី ពីមីស៊ីលបាញ់នៅលើអាកាស និងពីនាវាមុជទឹក ។

គួរបញ្ជាក់ថា កាលពីមួយឆ្នាំមុន របាយការណ៍ពីមន្ទីរបញ្ចកោណរបស់ចិនបាននិយាយថា ប្រទេសនេះមានក្បាលគ្រាប់ប្រហែល ២០០ គ្រាប់ ហើយនឹងកើនឡើងទ្វេដងនៅឆ្នាំ ២០៣០ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ អាមេរិក បង្កើនប្រតិបត្តិការនៅ សមុទ្រ ចិន ខាងត្បូង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម