ព័ត៌មានអន្ដរជាតិ
អង់គ្លេសជាប្រទេសទី១ក្នុងលោកអនុម័តថ្នាំកូវីដ Molnupiravir ជាផ្លូវការ
កាលពីថ្ងៃព្រហស្បតិ៍ម្សិលមិញ ចក្រភពអង់គ្លេសបានក្លាយជាប្រទេសដំបូងគេបង្អស់ក្នុងពិភពលោកដែលបានអនុម័តថ្នាំគ្រាប់ព្យាបាលកូវីដ-១៩ Molnupiravir របស់ក្រុមហ៊ុន Merck និង Ridgeback Biotherapeutics ផលិតរួមគ្នា។
ទីភ្នាក់ងារនិយតករផលិតផលវេជ្ជសាស្ត្រ និងថែទាំសុខភាព (MHRA) បានផ្តល់អនុសាសន៍ឲ្យប្រើប្រាស់ថ្នាំគ្រាប់ Molnupiravir ឲ្យឆាប់ៗរហ័សតាមដែលអាចទៅរួច បន្ទាប់ពីការធ្វើតេស្តកូវីដ-១៩ទទួលបានផលវិជ្ជមាន និងក្នុងរយៈពេល៥ថ្ងៃបន្ទាប់ពីចាប់ផ្តើមមានរោគសញ្ញា។
នេះគឺជាការព្យាបាលដោយថ្នាំលេបតាមមាត់លើកដំបូងសម្រាប់ជំងឺកូវីដ-១៩ដែលទទួលបានការអនុម័តមុនពេលនិយតករអាមេរិកទៅទៀត។ ក្រុមទីប្រឹក្សាអាមេរិកនឹងជួបប្រជុំគ្នាក្នុងខែនេះដើម្បីបោះឆ្នោតសម្រេចថាតើថ្នាំគ្រាប់ Molnupiravir គួរទទួលបានការអនុញ្ញាតផ្លូវការឬយ៉ាងណា។
ថ្នាំគ្រាប់នេះដែលមានម៉ាក Lagevrio នៅចក្រភពអង់គ្លេសត្រូវបានតាមដានយ៉ាងយកចិត្តទុកដាក់ ចាប់តាំងពីទិន្នន័យកាលពីខែមុនបង្ហាញថា វាមានប្រសិទ្ធភាពកាត់បន្ថយការឈឺចូលមន្ទីរពេទ្យ ឬស្លាប់បានពាក់កណ្តាលសម្រាប់អ្នកដែលមានហានិភ័យខ្ពស់បំផុតនៃការវិវត្តទៅជាធ្ងន់ធ្ងរពីជំងឺកូវីដ។
រដ្ឋាភិបាលចក្រភពអង់គ្លេស និងសេវាកម្មសុខភាពជាតិរបស់ប្រទេសនេះនឹងបញ្ជាក់ពីរបៀបនៃការប្រើប្រាស់ក្នុងការព្យាបាលអ្នកជំងឺកូវីដ។
សូមបញ្ជាក់ថា កាលពីខែមុន ចក្រភពអង់គ្លេសបានចុះកិច្ចព្រមព្រៀងជាមួយក្រុមហ៊ុន Merck ដើម្បីទិញថ្នាំ Molnupiravir ចំនួន៤៨០០០០ឈុត។
ក្នុងសេចក្តីប្រកាសដាច់ដោយឡែកមួយ ក្រុមហ៊ុន Merck បានឲ្យដឹងថា ខ្លួនគ្រោងនឹងផលិតថ្នាំនេះចំនួន១០លានឈុតនៅបំណាច់ឆ្នាំនេះ និងហោចណាស់២០លានឈុតនៅឆ្នាំ២០២២៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច២ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ គំរាម «ផ្តល់មេរៀន» ដល់អ៊ីស្រាអែល បើហ៊ានប៉ះ មេដឹកនាំកំពូល របស់ខ្លួន
-
ព័ត៌មានអន្ដរជាតិ៦ ថ្ងៃ agoព្រះសង្ឃថៃ សុគត កើនដល់ ១០អង្គហើយ ក្នុងហេតុការណ៍បុករះ បង្កឡើងដោយ កុមារមានបញ្ហាស្មារតី