ព័ត៌មានអន្ដរជាតិ

នៅ APEC ប្រធានាធិបតីចិនព្រមានមិនត្រូវឲ្យភាពតានតឹងសង្គ្រាមត្រជាក់ត្រឡប់មកវិញ

បានផុស

៥ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

តំបន់អាស៊ី-ប៉ាស៊ីហ្វិកមិនត្រូវវិលត្រឡប់ទៅកាន់ភាពតានតឹងនៃសម័យកាលសង្គ្រាមត្រជាកបានទេ។ នេះជាការលើកឡើងរបស់ប្រធានាធិបតីចិន លោក ស៊ី ជីនពីង នៅថ្ងៃព្រហស្បតិ៍នេះ មុនពេលជំនួបដ៏កម្រជាមួយប្រធានាធិបតីសហរដ្ឋអាមេរិក លោក ចូ បៃដិន ដែលរំពឹងធ្វើសប្តាហ៍ក្រោយ។

លោក ស៊ី នៅក្នុងសារវីដេអូមួយទៅកានវេទិកានាយកប្រតិបត្តិ (CEO) នៅក្រៅកិច្ចប្រជុំកំពូលស្តីពីកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) នៅប្រទេស នូវែលសេឡង់បានលើកឡើងថា ការប៉ុនប៉ងទាក់ទាញបណ្តាញមនោគមវិជ្ជា ឬបង្កើតមជ្ឈដ្ឋានតូចៗលើមូលដ្ឋានភូមិសាស្ត្រនយោបាយគឺជាមូលរដ្ឋានបរាជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«តំបន់អាស៊ី-ប៉ាស៊ីហ្វិកមិនអាច និងមិនគួរវិលទៅរកបញ្ហាប្រឈមមុខដាក់គ្នា និងការបែងចែកនៃសម័យកាលសង្គ្រាមត្រជាក់នោះទេ»។ លោកប្រធានាធិបតីចិនបានបញ្ជាក់។

ការលើកឡើងរបស់លោក ស៊ី ទំនងជាសំដៅទៅលើកិច្ចខិតខំប្រឹងប្រែងរបស់សហរដ្ឋអាមេរិកជាមួយសម្ព័ន្ធមិត្ត និងដៃគូក្នុងតំបន់របស់ខ្លួនក្នុងនោះបង្កើតជាក្រុមចតុកោណជាមួយឥណ្ឌា ជប៉ុន និងអូស្ត្រាលី ដើម្បីបំភ្លឺនូវអ្វីដែលពួកគេមើលឃើញថាជាឥទ្ធិពលសេដ្ឋកិច្ច និងយោធារបស់ចិនកំពុងកើនឡើង។

កាលពីថ្ងៃអង្គារ៍ យោធាចិនបាននិយាយថា ពួកគេបានធ្វើការល្បាតត្រៀមខ្លួនក្នុងទិសដៅនៃច្រកសមុទ្រតៃវ៉ាន់ បន្ទាប់ពីក្រសួងការពារជាតិរបស់ខ្លួនបានថ្កោលទោសដំណើរទស្សនកិច្ចមួយរបស់គណប្រតិភូសភាអាមេរិកទៅកាន់កោះតៃវ៉ាន់។

ការផ្លាស់ប្តូរការទូតអាមេរិកជាមួយចិននៅដើមរដ្ឋបាលរបស់លោកប្រធានាធិបតី ចូ បៃដិន បានធ្វើឲ្យសម្ព័ន្ធមិត្តមានក្តីបារម្ភ ហើយមន្ត្រីអាមេរិកជឿថា ការភ្ជាប់ទំនាក់ទំនងគ្នាផ្ទាល់ជាមួយលោក ស៊ី គឺជាជម្រើសដ៏ល្អបំផុតដើម្បីរារាំងទំនាក់ទំនងប្រទេសសេដ្ឋកិច្ចធំបំផុតទាំងពីរឈានទៅរកជម្លោះ។

ជំនួបដ៏កម្ររវាងប្រធានាធិបតីសហរដ្ឋអាមេរិក លោក ចូ បៃដិន និងប្រធានាធិបតីចិន លោក ស៊ី ជីនពីង តាមការគ្រោងទុកនឹងកើតឡើងយ៉ាងលឿននាសប្តាហ៍ក្រោយនេះ៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេសចិន