ព័ត៌មានអន្ដរជាតិ

វ៉ាក់សាំង Moderna លក់ឲ្យអាហ្វ្រិក១ដូសតម្លៃ៧ដុល្លារ

បានផុស

២ years មុន

នៅ

ថ្ងៃសុក្រ ១២ វិច្ឆិកា ២០២១

ដោយ

ក្រុមហ៊ុនវ៉ាក់សាំង Moderna Inc បានសម្រេចលក់វ៉ាក់សាំងបង្ការកូវីដ-១៩របស់ខ្លួនទៅឲ្យសហភាពអាហ្វ្រិកក្នុង១ដូសតម្លៃ៧ដុល្លារដែលតម្លៃនេះស្មើនឹងពាក់កណ្តាលតម្លៃលក់នៅសហរដ្ឋអាមេរិកកាលពីដើមឆ្នាំនេះ។

វាក៏ជាការបញ្ចុះតម្លៃច្រើន បើប្រៀបធៀបនឹងអ្នកទិញផ្សេងទៀតដូចជា សហភាពអឺរ៉ុប ហើយក៏ជាផ្នែកមួយដែលក្រុមហ៊ុនលក់តម្លៃទាបទៅប្រទេសដែលមានប្រាក់ចំណូលទាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានគ្រប់គ្រងជំងឺឆ្លងអាហ្វ្រិក លោក John Nkengasong បាននិយាយកាលពីថ្ងៃព្រហស្បតិ៍ថា ៖«ខ្ញុំរីករាយដែលនិយាយថា វ៉ាក់សាំង Moderna ១ដូសតម្លៃ៧ដុល្លារ។ នោះគឺជាអ្វីដែលពួកគេផ្តល់ឲ្យយើង»។

កាលពីដើមឆ្នាំនេះ ក្រុមហ៊ុន Moderna បាននិយាយថា ការលក់វ៉ាក់សាំងរបស់ខ្លួនឲ្យទៅប្រទេសផ្សេងក្រៅពីសហរដ្ឋអាមេរិកក្នុង១ដូសតម្លៃចន្លោះពី២២ដុល្លារ និង៣៧ដុល្លារ។

លោក Nkengasong និយាយថា គ្មានអ្វីចម្លែកទេដែលរលកទី៤នៃកូវីដ-១៩កំពុងរាតត្បាតនៅអាហ្វ្រិក ពីព្រោះប្រជាជនទើបចាក់វ៉ាក់សាំងបានពេញដូសត្រឹមតែ៦%ប៉ុណ្ណោះ។

រហូតដល់ពេលនេះ នៅអាហ្វ្រិកមានករណីឆ្លងកូវីដ-១៩សរុបចំនួន៨.៥លាននាក់ និងស្លាប់២២ម៉ឺននាក់៕

ប្រែសម្រួល៖ វីរបុត្រ
ប្រភព៖ reuters

Related Topics:វ៉ាក់សាំងកូវីដ-១៩