ផ្ទុះការបាញ់ប្រហារក្នុងពន្ធនាគារ នៅ អេក្វាឌ័រ ស្លាប់ ៥៨ នាក់ សុទ្ធតែអ្នកទោស

យ៉ាងហោចណាស់ មានអ្នកទោសស្លាប់យ៉ាងតិច ៥៨ នាក់ ក្នុងហេតុការណ៍​ការប៉ះទង្គិចគ្នាដ៏រន្ធត់មួយ ​នៅពន្ធនាគារ Guayaquil នៃប្រទេស អេក្វាឌ័រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសាក្សី និងព័ត៌មានដែលប្រមូលបានដោយអ្នកសារព័ត៌មានក្នុងស្រុក បានបញ្ជាក់ថា ការបាញ់ប្រហារត្រូវបានឮ​នៅក្នុងទីក្រុងជិ​តខាងកាលពីយប់ថ្ងៃសុក្រ ប៉ុន្តែអាជ្ញាធរមិន​បាននិយាយអំពីការសម្លាប់រង្គាលថ្មីនេះទេ រហូតដល់ល្ងាចថ្ងៃសៅរ៍។

របាយការណ៍បឋមនិយាយអំពីជនរងគ្រោះចំនួន ៥៨ នាក់ ដែលជាអ្នកទោសទាំងអស់ ប៉ុន្តែព្រមានថា អ្នកស្លាប់អាចមានច្រើនជាង​របាយការណ៍។ តួលេខនេះ ត្រូវបានបញ្ជាក់​នៅព្រឹកនេះ ដោយអភិបាលខេត្ត Guayas លោក Pablo Arosemena។

ឧបទ្ទវហេតុនេះគឺធ្ងន់ធ្ងរបំផុត នៅក្នុងប្រព័ន្ធពន្ធនាគារអេក្វាឌ័រ ហើយបានជំរុញ​ឲ្យ​ប្រធានាធិបតី Guillermo Lasso ប្រកាសស្ថានភាពអាសន្ននៅក្នុងពន្ធនាគារទាំងអស់​នៅក្នុងប្រទេស។

គួរ​បញ្ជាក់​ថា កាលពីចុងខែកញ្ញា ក៏មាន​ការប៉ះទង្គិចគ្នា រវាងក្រុមក្មេងទំនើង​នៅក្នុងពន្ធនាគារដ៏​ធំបំផុតក្នុងប្រទេសនេះ​ ​ដែលបានឆក់យកជីវិតមនុស្សចំនួន ១១៩ នាក់ នៅកន្លែងកើតហេតុតែម្ដង៕

ប្រែសម្រួល៖ សាង ស្រីល័ក្ខ

ប្រភព៖CGTN

ចុចអាន៖ផ្ទុះការបាញ់ប្រហារ ១១ លើកក្នុងពិធីបុណ្យ Halloween នៅ អាមេរិក ស្លាប់ និងរបួសមិនចេះតិច

​