ព័ត៌មានអន្ដរជាតិ

ជំនួបថ្ងៃនេះ តើមេដឹកនាំអាមេរិក និងចិនចង់បានអ្វីរៀងៗខ្លួន?

បានផុស

៥ years មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

ប្រធានាធិបតីសហរដ្ឋអាមេរិក លោក ចូ បៃដិន និងប្រធានាធិបតីចិន ស៊ី ជីនពីង នឹងជួបប្រជុំតាមអនឡាញនៅថ្ងៃចន្ទ ទី១៥ ខែវិច្ឆិកានេះ ស្របពេលប្រទេសទាំងពីរមានភាពតានតឹងកាន់តែជ្រៅ។

ប្រទេសមហាអំណាចបានធ្វើឲ្យពិភពលោកភ្ញាក់ផ្អើលនៅពេលពួកគេចាកចេញពីកិច្ចប្រជុំកំពូលស្តីពីអាកាសធាតុនៅទីក្រុង Glasgow ប្រទេសស្កុតឡែនកាលពីសប្តាហ៍មុន។ ប៉ុន្តែកង្វល់នៃការប្រឈមផ្នែកយោធាកំពុងកើនឡើងជុំវិញកោះតៃវ៉ាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពជិតស្និទ្ធនឹងការចរចាបានប្រាប់សារព័ត៌មានអាមេរិកថា ការជួបគ្នាលើកទី៣របស់ភាគីទាំងពីរនឹងលើកឡើងពីប្រធានបទដែលមានបញ្ហាស្មុគស្មាញជាច្រើន។ រាប់ចាប់ពីសន្តិសុខតាមអ៉ីនធឺណេត ពាណិជ្ជកម្ម និងការមិនសាយភាយនុយក្លេអ៊ែរគឺជាប្រធានបទសំខាន់ៗនៅលើតុ។

សេចក្តីប្រកាសមួយបានចេញកាលពីថ្ងៃសុក្រ សេតវិមានបាននិយាយថា មេដឹកនាំទាំងពីរនឹងពិភាក្សាពីវិធីសាស្ត្រដើម្បីគ្រប់គ្រងដោយទទួលខុសត្រូវចំពោះការប្រកួតប្រជែងរវាងសហរដ្ឋអាមេរិក និង ចិន ព្រមទាំងរបៀបធ្វើការរួមគ្នាឆ្ពោះទៅរកផលប្រយោជន៍ទាំងអស់គ្នា។

អ្វីដែលលោក ចូ បៃដិន ចង់បាន

លទ្ធផលនៃការរំពឹងទុកទាប ប៉ុន្តែការជួបគ្នានឹងក្លាយជាលទ្ធផលដ៏ធំមួយទៅហើយ។ ប៉ុន្តែភាគីទាំងពីរមានចេតនាជួសជុលទំនាក់ទំនងអាមេរិក-ចិនដែលរកាំរកូសប៉ុន្មានឆ្នាំចុងក្រោយនេះ។

កោះតៃវ៉ាន់ទំនងជារបៀបវារៈកំពូល។ លោក ចូ បៃដិន ចង់ឲ្យលោក ស៊ី សន្យារក្សាសន្តិភាពនៅច្រកសមុទ្រតៃវ៉ាន់ ស្របពេលក្រុងប៉េកាំងកំពុងបង្ហាញឆន្ទៈកើនឡើងដើម្បីបង្កើនសម្ពាធលើកោះមួយនេះ។ ជាថ្នូរមកវិញ មេដឹកនាំអាមេរិកនឹងត្រូវធានាដល់សមភាគីចិនអំពីគោលជំហររបស់ខ្លួនលើអធិបតេយ្យភាពនៅតៃវ៉ាន់។

កិច្ចប្រជុំក៏នឹងជាឱកាសរបស់លោក ចូ បៃដិន ដើម្បីបញ្ចុះបញ្ចូលលោក ស៊ី ថា យុទ្ធសាស្ត្រចិនរបស់រដ្ឋបាលអាមេរិកអាចជាក្របខណ្ឌស្ថេរភាពសម្រាប់ទំនាក់ទំនងទ្វេភាគី។ គោលលទ្ធិចិនរបស់លោក បៃដិន ធ្លាប់ត្រូវបានបង្ហាញដោយរដ្ឋមន្ត្រីក្រសួងការបរទេសអាមេរិកលោក Antony Blinken ថាជា«ការប្រកួតប្រជែងនៅពេលវាគួរតែជាកិច្ចសហប្រតិបត្តិការដែលអាចទៅរួច និងជម្រោះនៅពេលវាគួរតែ»។

ប៉ុន្តែទីក្រុងប៉េកាំងបានធ្វើការបញ្ជាក់ច្បាស់ថា បញ្ហានៃកិច្ចសហប្រតិបត្តិដូចជា ចំណាត់ការអាកាសធាតុជាដើមមិនអាចត្រូវកាត់ផ្តាច់ពីចំណុចនៃជម្លោះក្នុងទំនាក់ទំនងការទូតបានទេ។

អ្វីដែលលោក ស៊ី ជីនពីង ចង់បាន

កោះតៃវ៉ាន់ និងការពិភាក្សា ដែលឃ្លាទាំងពីរនេះគឺជាកង្វល់ចម្បងរបស់ចិននៅពេលលោក ស៊ី ជីនពីង ត្រៀមខ្លួនអង្គុយចុះជាមួយសមភាគីអាមេរិក។ កោះនៅភាគខាងកើតឆ្នេរសមុទ្រចិនដែលមានប្រធានាធិបតីជាប់ឆ្នោតដោយប្រជាធិបតេយ្យផ្ទាល់ខ្លួនហាក់ដូចជាបញ្ហាមិនច្បាស់លាស់សម្រាប់អ្នកក្រៅអាស៊ីជាច្រើន។

ប៉ុន្តែសម្រាប់ក្រុងប៉េកាំង តៃវ៉ាន់គឺជាខេត្តក្រុមក្បត់ដែលខ្លួនតែងតែចង់បង្រួបបង្រួមពេញលេញជាមួយចិន។ និយាយអំពីចំណុចនេះ លោក ស៊ី ជៀសមិនផុតការលើកឡើងទេ។

ប៉ុន្តែទើបតែប៉ុន្មានសប្តាហ៍កន្លងទៅនេះ លោក ចូ បៃដិន បានប្តេជ្ញាការពារកោះតៃវ៉ាន់ ប្រសិនបើចិនវាយប្រហារ។ ការប្តេជ្ញារបស់អាមេរិកជាអ្វីដែលចាត់ទុកថាជាសញ្ញានៃតម្លៃរបស់វាហាក់ដូចច្បាស់លាស់។ លោក ស៊ី ជីនពីង នឹងចង់ឲ្យមានការបញ្ជាក់ច្បាស់លើបញ្ហានេះ៕

ប្រែសម្រួល៖ វីរបុត្រ
ប្រភព៖ BBC

Related Topics:សហរដ្ឋអាមេរិក