ព័ត៌មានអន្ដរជាតិ
ទ័ពជើងទឹកអង់គ្លេសបំផ្ទុះគ្រាប់មីនសម័យសង្គ្រាមលោកលើកទី ២ (មានវីដេអូ)
ក្រុមកម្ចាត់គ្រាប់បែករបស់កងទ័ពជើងទឹកអង់គ្លេសបានប្រញាប់ប្រញាល់ចូលទៅក្នុងសមុទ្រនៅភាគខាងលិចប្រទេសស្កុតលែន បន្ទាប់ពីនាវិកទូកនេសាទបានរាយការណ៍ពីការរកឃើញគ្រាប់មីនក្នុងសមុទ្រនាសម័យណាហ្ស៊ី ។
គ្រាប់មីននេះត្រូវបានបង្កប់ដោយនាវាមុជទឹករបស់អាល្លឺម៉ង់នៅលើកោះ Ailsa Craig ក្នុងអំឡុងពេលសង្គ្រាមលោកលើកទី ២ ហើយនៅតែជាការគំរាមកំហែងដែលអាចបណ្តាលឲ្យមានគ្រោះថ្នាក់ដល់ថ្ងៃនេះ មុនពេលដែលអ្នកជំនាញខាងកម្ចាត់គ្រាប់មីនរបស់កងទ័ពជើងទឹកអង់គ្លេសបានរកឃើញ ។
នាវិក ៧ នាក់នៅលើទូកនេសាទត្រូវបានជម្លៀសចេញដោយក្រុមឆ្មាំសមុទ្រក្នុងតំបន់ ហើយនាវានោះត្រូវបានគេនាំទៅឆ្នេរសមុទ្រ Ettrick នៅលើកោះ Isle of Bute ជាកន្លែងដែលវាត្រូវបានត្រួតពិនិត្យដោយអ្នកមុជទឹក ។
មេបញ្ជាការរងទ័ពជើងទឹកលោក Mark Shaw បាននិយាយថា “ដោយគិតថាវាស្ថិតនៅក្នុងទឹកអស់រយៈពេលប្រហែល ៨០ ឆ្នាំមកហើយ ស្ថានភាពគ្រាប់មីនពិតជាគួរឲ្យកត់សម្គាល់ ។ គ្រាប់មីនដែលផ្ទុកដោយគ្រឿងផ្ទុះប្រហែល ៣៥០ គីឡូក្រាមត្រូវបានគេរកឃើញថាស្ថិតក្នុងស្ថានភាពល្អប្រសើរបំផុតជាមួយនឹងជម្រើសតែមួយគត់ក្នុងការបំផ្ទុះវាដោយសុវត្ថិភាព នៅឯសមុទ្រ” ។
ក្រុមអ្នកមុជទឹកបានទម្លាក់គ្រាប់មីនទៅបាតសមុទ្រ Ettrick មុនពេលបំផ្ទុះឧបករណ៍នេះ ហើយបណ្ដាលឲ្យបាចសាចភក់ និងទឹកយ៉ាងច្រើនសន្ធឹកសន្ធាប់ទៅក្នុងអាកាស ៕
សូមទស្សនាវីដេអូ!
Boom! ? Bomb disposal exports from @HMNBClyde dealt with a German wartime mine by blowing it into a million pieces.
— Royal Navy (@RoyalNavy) December 2, 2020
Still containing 350kg explosive, the device was hauled in by a trawler off Ailsa Craig and blown up by Northern Diving Group off Bute.https://t.co/fe5iGaNZSj pic.twitter.com/xdq4z9J2OR
ប្រែសម្រួលដោយ ៖ ជីវ័ន្ត
ប្រភព ៖ RT
-
សន្តិសុខសង្គម២ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៦ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៤ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៥ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៤ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានជាតិ៤ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា