Connect with us

ព័ត៌មានអន្ដរជាតិ

នេះមូលហេតុ ថៃ មិនមានសិទ្ធិទទួលរូបមន្តផលិតថ្នាំគ្រាប់ក្រុមហ៊ុន Pfizer (មានវីដេអូ)

បានផុស

នៅ

នាយកដ្ឋានសេវាកម្មវេជ្ជសាស្រ្ដថៃបាននិយាយថា ប្រទេសថៃមិនមានសិទ្ធិទទួលបានរូបមន្តសម្ងាត់ សម្រាប់ផលិតថ្នាំប្រឆាំងវីរុសកូវីដ Paxlovid របស់ក្រុមហ៊ុន Pfizer នោះទេ ដោយសារថៃជាប្រទេសដែលមានចំណូលកម្រិតមធ្យមទៅខ្ពស់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកត់សម្គាល់នេះបានធ្វើឡើង បន្ទាប់ពីក្រុមហ៊ុន Pfizer បានប្រកាសថា នឹងប្រគល់រូបមន្តថ្នាំប្រឆាំងវីរុសកូវីដរបស់ខ្លួនទៅកាន់ប្រទេសកំពុងអភិវឌ្ឍចំនួន ៩៥ ប៉ុន្តែក្រុមហ៊ុនមិនបាននិយាយពីប្រទេសណាខ្លះនោះទេ ។

ទន្ទឹមនោះលោកវេជ្ជបណ្ឌិត Somsak Akksilp អគ្គនាយកនៃនាយកដ្ឋានសេវាកម្មវេជ្ជសាស្រ្ដបាននិយាយថា ទោះជាយ៉ាងណាក៏ដោយ ប្រទេសថៃនឹងទទួលបានថ្នាំប្រឆាំងមេរោគលឿនជាងប្រទេសដែលមានសិទ្ធិទទួលបានរូបមន្តនេះ ខណៈដែលភ្នាក់ងាររដ្ឋាភិបាលថៃបានសហការជាមួយក្រុមហ៊ុន Pfizer រួចហើយ ។

លោកបាននិយាយថា “ប៉ុន្តែប្រទេសថៃក៏នឹងចរចាជាមួយក្រុមហ៊ុន Pfizer ក្នុងការដេញថ្លៃដើម្បីទទួលបានរូបមន្តផលិតថ្នាំ Paxlovid ផងដែរ” ។

គួរបញ្ជាក់ថា នៅដើមខែវិច្ឆិកានេះ ថ្នាំគ្រាប់ព្យាបាលកូវីដលេបតាមមាត់ Paxlovid របស់ក្រុមហ៊ុន Pfizer បានប្រកាសពីប្រសិទ្ធភាពអាចកាត់បន្ថយហានិភ័យនៃការចូលសម្រាកព្យាបាលនៅមន្ទីរពេទ្យ ឬស្លាប់បានរហូតដល់ទៅ ៨៩ ភាគរយសម្រាប់អ្នកជំងឺពេញវ័យដែលមានហានិភ័យខ្ពស់ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ ខែក្រោយ ប្រទេសក្បែរខាង កម្ពុជា នឹងផលិតថ្នាំគ្រាប់កូវីដ Molnupiravir សម្រាប់អ្នកជំងឺ ១ ពាន់នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៤ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៤ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៥ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម