លោក ស៊ី ជីនពីង ឲ្យពន្លឿនការអភិវឌ្ឍន៍ប្រព័ន្ធដឹកជញ្ជូនយោធា កម្រិតខ្ពស់

ប្រធានាធិបតីចិនលោក ស៊ី ជីនពីង បានជំរុញឲ្យកងកម្លាំងប្រដាប់អាវុធពន្លឿនការអភិវឌ្ឍន៍ប្រព័ន្ធដឹកជញ្ជូនទំនើបៗប្រកបដោយគុណភាពខ្ពស់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ី ដែលក៏ជាអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន (CPC) និងជាប្រធានគណៈកម្មាការយោធាមជ្ឈិមបានធ្វើការកត់សម្គាល់បែបនេះនៅក្នុងការណែនាំរបស់លោកទៅកាន់កិច្ចប្រជុំស្តីពីប្រព័ន្ធដឹកជញ្ជូនយោធាដែលធ្វើឡើងនៅទីក្រុងប៉េកាំងពីថ្ងៃចន្ទដល់ថ្ងៃអង្គារ ។

យោងតាមលោក ស៊ី បានឲ្យដឹងថា ប៉ុន្មានឆ្នាំចាប់តាំងពីសមាជជាតិ CPC លើកទី ១៨ ក្នុងឆ្នាំ ២០១២ បានឃើញផ្នែកដឹកជញ្ជូនយោធាបានរួមចំណែកយ៉ាងសំខាន់ក្នុងការអភិវឌ្ឍន៍កងកម្លាំងប្រដាប់អាវុធរបស់ប្រទេសចិន និងការបំពេញបេសកកម្មរបស់ពួកគេ ។

លោក ស៊ី បានបង្ហាញពីក្តីសង្ឃឹមរបស់លោកចំពោះការពន្លឿនការអភិវឌ្ឍន៍ប្រព័ន្ធដឹកជញ្ជូនទំនើប និងប្រព័ន្ធគ្រប់គ្រងទ្រព្យសម្បត្តិទំនើបសម្រាប់កងកម្លាំងប្រដាប់អាវុធ និងជំរុញការអភិវឌ្ឍន៍ប្រកបដោយគុណភាពខ្ពស់ ដើម្បីផ្តល់ការគាំទ្រយ៉ាងរឹងមាំដល់ការសម្រេចបាននូវគោលដៅដែលបានកំណត់សម្រាប់ ១០០ ឆ្នាំនៃកងទ័ពរំដោះប្រជាជនប្រជាជននៅឆ្នាំ ២០២៧ ។

ថ្លែងនៅក្នុងកិច្ចប្រជុំនោះដែរ លោក Zhang Youxia សមាជិកការិយាល័យនយោបាយនៃគណៈកម្មាធិការមជ្ឈិម CPC និងជាអនុប្រធានគណៈកម្មាធិការយោធាមជ្ឈិម ក៏បានជំរុញឲ្យការអនុវត្តសេចក្តីណែនាំ  និងសេចក្តីសម្រេចសំខាន់ៗទាំងនេះរបស់លោក ស៊ី ក៏ដូចជាការអភិវឌ្ឍន៍ផ្នែកដឹកជញ្ជូនដ៏រឹងមាំ និងទំនើបសម្រាប់កងកម្លាំងប្រដាប់អាវុធរបស់ប្រទេសចិន ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ សរុបព្រឹត្តិការណ៍សំខាន់ៗដែលលោក ស៊ី ជីនពីង ថ្លែងក្នុងកិច្ចប្រជុំ ចិន-អាស៊ាន