ព័ត៌មានអន្ដរជាតិ

សិស្សអាយុ១៥ឆ្នាំម្នាក់បាញ់រះលើវិទ្យាល័យអាមេរិកមួយស្លាប់៣ របួស៨

បានផុស

២ years មុន

នៅ

ថ្ងៃពុធ ១ ធ្នូ ២០២១

ដោយ

សិស្សសាលាអាយុ១៥ឆ្នាំបានបើកការបាញ់រះនៅវិទ្យាល័យ Michigan របស់ខ្លួនកាលពីថ្ងៃអង្គារ៍ ទី៣០ ខែវិច្ឆិកាបានសម្លាប់ក្មេងជំទង់៣នាក់ និងរបួស៨នាក់មុនពេលប៉ូលិសចាប់ខ្លួន។ នេះបើតាមអាជ្ញាធរបាននិយាយ ហើយបានក្លាយជាការបាញ់សម្លាញ់នៅសាលារៀនអាក្រក់បំផុតនៅសហរដ្ឋអាមេរិកឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនៅ Oakland County Sheriff បាននិយាយថា ក្នុងនោះមានគ្រូម្នាក់ក្នុងចំណោមអ្នករបួសពីការបាញ់ប្រហារដែលបានកើតឡើងនាពេលរសៀលខណៈពេលថ្នាក់រៀនទើបចាប់ផ្តើមនៅវិទ្យាល័យ Oxford High School។ ក្នុងចំណោមជនរងគ្រោះបាត់បង់ជីវិតទាំង៣នាក់គឺក្មេងប្រុសអាយុ១៦ឆ្នាំ ក្មេងស្រីអាយុ១៤ឆ្នាំ និងក្មេងស្រីអាយុ១៧ឆ្នាំ។

ក្នុងចំណោមអ្នករបួស៨នាក់នោះ មាន៦នាក់កំពុងស្ថិតក្នុងស្ថានភាពធ្ងន់ធ្ងរ និង២នាក់ត្រូវធ្វើការវះកាត់។

ជនសង្ស័យត្រូវបានយកទៅឃុំខ្លួន និងកាំភ្លើងកែច្នៃពាក់កណ្តាលស្វ័យប្រវត្តិមួយដើមត្រូវបានរឹបអូស ប៉ុន្តែមិនមានការពន្យល់ភ្លាមទេពីមូលហេតុដែលបណ្តាលឲ្យកើតមានការបាញ់ប្រហារនៅ Oxford ដែលមានចម្ងាយ៦៥គីឡូម៉ែត្រពីភាគខាងជើងទីក្រុង Detroit។

ជនសង្ស័យបានបាញ់រះប្រហែលជា១៥ទៅ២០គ្រាប់ក្នុងរយៈពេលប្រហែលជា៥នាទី៕

ប្រែសម្រួល៖ វីរបុត្រ
ប្រភព៖ AFP

Related Topics:សហរដ្ឋអាមេរិក