ព័ត៌មានអន្ដរជាតិ
ក្នុងពេលដ៏ខ្លី Omicron វាយលុកអាហ្វ្រិកខាងត្បូងយ៉ាងឆាប់រហ័ស
វីរុសបំប្លែងខ្លួនដែលមានការប្រែប្រួលខ្លាំង Omicron បានឆ្លងរាតត្បាត និងគ្របដណ្តប់យ៉ាងឆាប់រហ័សនៅអាហ្វ្រិកខាងត្បូងក្នុងរយៈពេលមិនដល់៤សប្តាហ៍ផង បន្ទាប់ពីវាត្រូវបានរកឃើញលើកដំបូងនៅទីនោះ។
ចម្ងល់សំខាន់ៗនៅមិនទាន់ស្រាយបំភ្លឺអំពីវីរុសបំប្លែងខ្លួនថ្មីនេះដែលបានឆ្លងរាលដាល់ប្រទេសជាច្រើនក្នុងនោះមាន អេស្ប៉ាញ កាណាដា អង់គ្លេស អាមេរិក កូរ៉េខាងត្បូង អូទ្រីស ហុល្លង់ និងព័រទុយហ្គាល់ជាដើម ហើយប្រទេសអារ៉ាប់រួមក៏រកឃើញមួយករណីលើកដំបូងកាលពីថ្ងៃពុធដែរ។

សញ្ញាដំបូងត្រូវបានគេលើកឡើងថា Omicron ប្រហែលជាឆ្លងអាក្រក់ជាងវីរុសបំប្លែងខ្លួនផ្សេងៗទៀតដែលបានវាយប្រហារដល់ទីផ្សារហិរញ្ញវត្ថុ ដោយសារការរឹតបន្តឹង និងវិធានការទប់ស្កាត់ធ្វើឲ្យប៉ះពាល់ដល់សេដ្ឋកិច្ចសកល។
វិទ្យាស្ថានទំនាក់ទំនងជំងឺឆ្លងជាតិ(NICD)របស់អាហ្វ្រិកខាងត្បូងបាននិយាយថា ទិន្នន័យដំបូងបង្ហាញថា Omicron អាចគេចផុតពីប្រព័ន្ធភាពស៊ាំ ប៉ុន្តែប្រសិទ្ធភាពវ៉ាក់សាំងនៅតែអាចការពារកុំឲ្យឈឺធ្ងន់ធ្ងរ និងស្លាប់បាន។
វិទ្យាស្ថានទំនាក់ទំនងជំងឺឆ្លងជាតិបានបញ្ជាក់ថា ៧៤%នៃអ្នកឆ្លងកូវីដដែលត្រូវបានរកឃើញកាលពីខែមុនគឺវីរុសបំប្លែងខ្លួនថ្មី Omicron ដែលត្រូវបានរកឃើញករណីលើកដំបូងកាលពីថ្ងៃទី៨ ខែវិច្ឆិកា នៅខេត្ត Gauteng ជាកន្លែងដែលមានប្រជាជនច្រើនបំផុតរបស់អាហ្វ្រិកខាងត្បូង។
ចំនួនឆ្លងថ្មីត្រូវបានរាយការណ៍នៅអាហ្វ្រិកខាងត្បូងបានកើនឡើងទ្វេដងពីថ្ងៃអង្គារ៍ និងថ្ងៃពុធម្សិលមិញ។
អ្នកជំនាញជំងឺឆ្លងរបស់អង្គការសុខភាពពិភពលោក អ្នកស្រី Maria van Kerkhove បាននិយាយថា ទិន្នន័យពីរបៀបដែល Omicron ឆ្លងនឹងដឹងក្នុងរយៈពេលប៉ុន្មានថ្ងៃទៀត។
នាយកប្រតិបត្តិរបស់ BioNTech បាននិយាយថា វ៉ាក់សាំងរបស់លោកបានចាប់ដៃគូជាមួយវ៉ាក់សាំង Pfizer ទំនងជាផ្តល់ការការពារខ្លាំងប្រឆាំងនឹងការឈឺធ្ងន់ធ្ងរពី Omicron៕
ប្រែសម្រួល៖ វីរបុត្រ
ប្រភព៖ reuters

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ