ព័ត៌មានអន្ដរជាតិ

Omicron ចូលដល់ប្រទេសអាស៊ានមួយទៀតហើយ

បានផុស

៤ years មុន

នៅ

ថ្ងៃសុក្រ ៣ ធ្នូ ២០២១

ដោយ

រដ្ឋមន្ត្រីក្រសួងសុខាភិបាលលោក Khairy Jamaluddin បាននិយាយនៅថ្ងៃសុក្រនេះ ថា ប្រទេសម៉ាឡេស៊ី បានរកឃើញករណីដំបូង នៃវីរុសបំប្លែងខ្លួន Omicron ដែលល្បីថាសាហាវនិងឆ្លងលឿន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយថា មេរោគនេះ ត្រូវបានរកឃើញពីនិស្សិតបរទេសមកពីអាហ្វ្រិកខាងត្បូង ហើយបានប្ដូរជើងហោះហើរតាមរយៈសិង្ហបុរី និងមកដល់ម៉ាឡេស៊ី កាលពីថ្ងៃទី ១៩ ខែវិច្ឆិកា។

សារព័ត៌មាន Malaysiakini បានរាយការណ៍ថា បច្ចុប្បន្ននិស្សិតរូបនោះ កំពុងស្ថិតក្រោមការដាក់ឲ្យនៅ ដាច់ពីគេ រួមជាមួយមនុស្ស ៥ នាក់ផ្សេងទៀត ដែលជិះរថយន្តក្រុងរួមគ្នា ពីទីក្រុងគូឡាឡាំពួ ទៅ កាន់ទីក្រុង Ipoh រដ្ឋ Perak ។

លោក Khairy បានបន្ថែមទៀតថា និស្សិតរូបនេះ បានចូលប្រទេសម៉ាឡេស៊ី មុនពេលដែលអង្គការសុខភាពពិភពលោក (WHO) បានប្រកាសថា Omicron មានភាពខុសប្លែកគ្នានៃការព្រួយបារម្ភ។

គួរបញ្ជាក់ថា ម៉ាឡេស៊ីកាលពីថ្ងៃពុធ បានហាមប្រាមការចូលជាបណ្តោះអាសន្ននៃអ្នកធ្វើដំណើរមកពីប្រទេសដែលបានរាយការណ៍អំពីវីរុសបំប្លែងខ្លួន Omicron ឬត្រូវបានចាត់ទុកថាមានហានិភ័យខ្ពស់។

ការហាមប្រាមការធ្វើដំណើរ ត្រូវបានអនុវត្តចំពោះប្រទេសអាហ្វ្រិកចំនួន ៨ រួមទាំងអាហ្រ្វិកខាងត្បូង ហ្សីមបាវ៉េ ម៉ូសំប៊ិក និងម៉ាឡាវី ហើយអាចបន្តទៅ ប្រទេសផ្សេងទៀត ដែលត្រូវបានរកឃើញវីរុសបំប្លែងខ្លួននេះ ដូចជា អង់គ្លេស និងហូឡង់៕

ប្រែសម្រួល៖ សាង ស្រីល័ក្ខ

ប្រភព៖straitstimes

ចុចអាន៖Omicron ឆ្លងសាហាវមែន តែមិនទាន់សម្លាប់អ្នកជំងឺណាម្នាក់ឡើយ