ព័ត៌មានអន្ដរជាតិ

ផ្ទុះភ្នំភ្លើងនៅ ឥណ្ឌូណេស៊ី សម្លាប់មនុស្ស ១៣ នាក់ និងរបួសរាប់សិបនាក់

បានផុស

២ years មុន

នៅ

ថ្ងៃអាទិត្យ ៥ ធ្នូ ២០២១

ដោយ

យោងតាមលោក Abdul Muhari អ្នកនាំពាក្យក្រុមប្រឹក្សាជាតិ គ្រប់គ្រងគ្រោះមហន្តរាយ ឥណ្ឌូណេស៊ី (BNPB) បានឲ្យដឹងថា មនុស្ស១០នាក់ ដែលជាប់បន្ទាប់ពីភ្នំភ្លើង Semeru បានផ្ទុះនៅ លើកោះ Java ត្រូវបានជម្លៀសទៅកាន់ទីសុវត្ថិភាព ខណៈចំនួនអ្នកស្លាប់ ដោយសារគ្រោះមហន្តរាយបានកើនឡើងដល់ ១៣នាក់ និងហោចណាស់ រាប់សិបនាក់រងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Abdul Muhari បាននិយាយថា មនុស្ស ១៣ នាក់ត្រូវបានស្លាប់ បន្ទាប់ពីការផ្ទុះនេះ ដែលក្នុងនោះ ២ នាក់ត្រូវបានកំណត់អត្តសញ្ញាណ។ សេចក្តីថ្លែងការណ៍បាននិយាយថា មនុស្ស ៩៨នាក់បានរងរបួស រួមទាំងស្ត្រីមានផ្ទៃពោះ២នាក់ ហើយ ៩០២ នាក់ត្រូវបានជម្លៀសចេញ។

អាជ្ញាធរបាននិយាយថា ការផ្ទុះនេះបានបំផ្លាញស្ពានយុទ្ធសាស្ត្រមួយ ដែលតភ្ជាប់តំបន់ពីរនៅ ក្នុងស្រុក Lumajang ក្បែរនោះ ជាមួយទីក្រុង Malang និងធ្វើឲ្យអគារមួយចំនួនបានបាក់បែក។

លោក Thoriqul Haq មន្ត្រីក្នុងតំបន់នៅ Lumajang បាននិយាយមុននេះថា អ្នកជីករ៉ែខ្សាច់ ត្រូវបានជាប់នៅ ជុំវិញកន្លែងធ្វើការរបស់ពួកគេ។

BNPB បាននិយាយថា យ៉ាងហោចណាស់មនុស្ស ៣៥ នាក់ កំពុងបញ្ជូនទៅ មន្ទីរពេទ្យ ខណៈដែលអនុប្រធាន Lumajang បាននិយាយថា មនុស្ស ៤១ នាក់បានរងរបួសដោយរលាក។

គួរបញ្ជាក់ថាភ្នំភ្លើង Semeru មានកម្ពស់ជាង ៣៦០០ម៉ែត្រ (១២,០០០ ហ្វីត) គឺជាភ្នំភ្លើងមួយ ក្នុងចំណោមភ្នំភ្លើងសកម្មជិត ១៣០ របស់ប្រទេសឥណ្ឌូនេស៊ី។ កាលពីខែ មករា វាក៏បានផ្ទុះឡើងម្ដង តែមិនបណ្ដាលឲ្យមានអ្នករងរបួសនោះទេ៕

ប្រែសម្រួល៖ សាង ស្រីល័ក្ខ

ប្រភព៖Reuters

ចុចអាន៖ឥណ្ឌូណេស៊ី ពិភាក្សាទិញ និងសាងសង់រោងចក្រផលិតថ្នាំកូវីដ Molnupiravir