ព័ត៌មានអន្ដរជាតិ
បៃដិន ព្រមាន ពូទីន ខ្លាំងៗក្នុងជំនួបតាមវីដេអូ
ប្រធានាធិបតីអាមេរិកលោក ចូ បៃដិន បានព្រមានប្រធានាធិបតីរុស្ស៊ី លោក វ្លាឌីមៀរ ពូទីន កាលពីថ្ងៃអង្គារថា លោកខាងលិចនឹងដាក់ទណ្ឌកម្មសេដ្ឋកិច្ច និងវិធានការរឹងមាំផ្សេងទៀត លើរុស្ស៊ី ប្រសិនបើប្រទេសនេះឈ្លានពានអ៊ុយក្រែន។
មេដឹកនាំទាំងពីរបានពិភាក្សាគ្នារយៈពេលពីរម៉ោងលើបញ្ហាអ៊ុយក្រែន និងជម្លោះផ្សេងទៀតនៅក្នុង video call ស្តីពីទំនាក់ទំនងរវាងសហរដ្ឋអាមេរិក និងរុស្ស៊ី ដែលបានធ្លាក់ចុះដល់ចំណុចទាបបំផុត ចាប់តាំងពីការបញ្ចប់សង្គ្រាមត្រជាក់ ជាងបីទសវត្សរ៍មុន ខណៈរុស្ស៊ីកំពុងដាក់ពង្រាយកងទ័ពរាប់ម៉ឺននាក់ នៅព្រំដែនអ៊ុយក្រែន។
ស្របពេលជាមួយគ្នានោះ លោក ពូទីន បានឆ្លើយតបទៅការព្រមាននេះ ជាមួយនឹងការទាមទារឲ្យមានការធានាដែលអាចទុកចិត្តបាន និងស្របច្បាប់ប្រឆាំងនឹងការពង្រីករបស់អង្គការណាតូ ទៅភាគខាងកើត ហើយបានត្អូញត្អែរអំពីការប៉ុនប៉ងរបស់ណាតូក្នុងការអភិវឌ្ឍទឹកដីអ៊ុយក្រែន។
ទោះបីជាយ៉ាងណាក៏ដោយ ភាគីទាំងពីរបានយល់ព្រមបន្តទំនាក់ទំនង ដែលជាការអភិវឌ្ឍន៍ អាចកាត់បន្ថយភាពតានតឹងពិភពលោក។
វិមានក្រឹមឡាំងបានបដិសេធអំពីចេតនាវាយប្រហារអ៊ុយក្រែន ហើយនិយាយថា ការបង្កើនកងទ័ពនៅតាមព្រំដែនភាគខាងត្បូងរបស់ខ្លួន គឺជាការការពារ ប៉ុន្តែប្រទេសជិតខាងកំពុងប្រកាសអាសន្ន។
លោក បៃដិន បានព្រមានមេដឹកនាំរុស្ស៊ីថា លោក ពូទីន អាចប្រឈមមុខនឹងទណ្ឌកម្មសេដ្ឋកិច្ចដ៏តឹងរ៉ឹង, ការរំខាននៃបំពង់បង្ហូរឧស្ម័ន Nord Stream 2 ទៅកាន់អឺរ៉ុប ហើយថា សហរដ្ឋអាមេរិក និងសម្ព័ន្ធមិត្តអឺរ៉ុប នឹងផ្តល់សមត្ថភាពការពារបន្ថែមដល់អ៊ុយក្រែន។
សេតវិមានបាននិយាយនៅក្នុងសេចក្តីថ្លែងការណ៍មួយថា លោកប្រធានាធិបតី បានបញ្ជាក់យ៉ាងច្បាស់ថា សហរដ្ឋអាមេរិក និងសម្ព័ន្ធមិត្ត នឹងឆ្លើយតបជាមួយនឹងវិធានការសេដ្ឋកិច្ច និងវិធានការដ៏ខ្លាំងក្លាផ្សេងទៀត ក្នុងករណីមានការកើនឡើងផ្នែកយោធា៕
ប្រែសម្រួល៖ Vann Vann
ប្រភព៖ Reuters
ចុចអាន៖ ក្រោយជួបលោកស៊ី ពេលនេះលោក បៃដិន និយាយថា បញ្ហាឯករាជ្យតៃវ៉ាន់ ទុកឲ្យតៃវ៉ាន់ ដោះស្រាយដោយខ្លួនឯង
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម