ក្រសួងការបរទេសចិនបានប្រកាសកាលពីថ្ងៃចន្ទថា ប្រធានាធិបតីចិនលោក ស៊ី ជីនពីង នឹងជួបពិភាក្សាជាមួយប្រធានាធិបតីរុស្ស៊ីលោក វ្ល៉ាធីមៀ ពូទីន តាមរយៈវីដេអូខលនៅ ថ្ងៃពុធនេះ ។

នៅ ក្នុងសន្និសីទសារព័ត៌មានកាលពីថ្ងៃចន្ទ អ្នកនាំពាក្យក្រសួងការបរទេសចិនលោក Wang Wenbin បាននិយាយថា មេដឹកនាំទាំងពីរនឹងសង្ខេបការអភិវឌ្ឍន៍ទំនាក់ទំនងទ្វេភាគី និងសមិទ្ធិផលសហប្រតិបត្តិការដែលប្រទេសទាំងពីរសម្រេចបានក្នុងវិស័យផ្សេងៗ ។

លោក Wang បាននិយាយថា មេដឹកនាំទាំងពីរក៏នឹងរៀបចំផ្លូវអភិវឌ្ឍន៍នាពេលអនាគតនៃទំនាក់ទំនងទ្វេភាគី ក៏ដូចជាផ្លាស់ប្តូរទស្សនៈលើបញ្ហាអន្តរជាតិ និងតំបន់សំខាន់ៗដែលជាកង្វល់រួម ។

យោងតាមអ្នកនាំពាក្យ កិច្ចប្រជុំនេះត្រូវបានគេរំពឹងថានឹងពង្រឹងបន្ថែមទៀតនូវទំនុកចិត្តកម្រិតខ្ពស់ លើគ្នាទៅ វិញទៅ មក ក៏ដូចជាជំរុញការសម្របសម្រួលយុទ្ធសាស្ត្រ និងកិច្ចសហប្រតិបត្តិការលើគ្រប់ជ្រុងជ្រោយរវាងចិន និងរុស្ស៊ី ដើម្បីស្ថិរភាពស្ថានភាពអន្តរជាតិដែលកំពុងជាប់គាំង ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ យន្តហោះចម្បាំង រុស្ស៊ី បណ្ដេញយន្តហោះយោធា អាមេរិក និងបារាំង ៥ គ្រឿងលើសមុទ្រខ្មៅ (មានវីដេអូ)