ព័ត៌មានអន្ដរជាតិ
អាមេរិកព្រមានថា រដូវរងានេះ អ្នកមិនចាក់វ៉ាក់សាំង នឹងឈឺធ្ងន់ឬស្លាប់ ខណៈ Omicron វាយលុក
កាលពីថ្ងៃព្រហស្បតិ៍ ប្រធានាធិបតីសហរដ្ឋអាមេរិកលោក Joe Biden បានព្រមានអំពី “រដូវរងានៃជំងឺធ្ងន់ធ្ងរ និងការស្លាប់” សម្រាប់អ្នកមិនបានចាក់វ៉ាក់សាំងការពារជំងឺកូវីដ១៩ ខណៈក្រុមប្រទេស G7 បានហៅវីរុសបំប្លែងខ្លួន Omicron ថាជាការគំរាមកំហែងធំបំផុត ចំពោះសុខភាពសាធារណៈពិភពលោក។
ការព្រមានខ្លាំងៗនេះ បានកើតឡើងចំពេលដែលចក្រភពអង់គ្លេស រកឃើញការឆ្លងកូវីដជាង ៨៨,០០០ករណី ដែលជាចំនួនកំណត់ត្រា២ថ្ងៃជាប់គ្នា។
ទោះបីជាយ៉ាងណាក៏ដោយ អ្នកវិទ្យាសាស្ត្រនៅតែមិនប្រាកដប្រជាថាតើ Omicron គ្រោះថ្នាក់ប៉ុនណា ប៉ុន្តែទិន្នន័យដំបូងបង្ហាញថា វាអាចធន់នឹងវ៉ាក់សាំង និងអាចឆ្លងខ្លាំងជាង Delta។
កាលពីដើមសប្តាហ៍នេះ អង្គការសុខភាពពិភពលោក (WHO) បាននិយាយថា មេរោគនេះបានរីករាលដាលដល់ប្រទេសចំនួន៧៧ហើយ។
ការព្រមានរបស់លោក Biden អំពីរដូវរងានេះ ក៏បានកើតឡើងផងដែរ ខណៈលោកបានជំរុញឲ្យជនជាតិអាមេរិកដែលបានចាក់វ៉ាក់សាំង២ដូសរួច ត្រូវទៅទទួលដូសជំរុញ។ លោកនិយាយថា “ការការពារពិតប្រាកដតែមួយគត់គឺ ចាក់វ៉ាក់សាំង”។
ស្របពេលជាមួយគ្នានោះ អ្នកនាំពាក្យសេតវិមានលោកស្រី Karine Jean-Pierre បានលើកឡើងថា “ឧបករណ៍ដែលយើងមាន យើងដឹងថា កំពុងដំណើរការ។ យើងនឹងបន្តជំរុញទៅមុខ ដើម្បីចាក់វ៉ាក់សាំង និងដូសជំរុញជូនប្រជាជនអាមេរិក”។
គួរបញ្ជាក់ថា សហរដ្ឋអាមេរិក ដែលជាប្រទេសរងគ្រោះដោយសារកូវីដខ្លាំងជាងគេលើពិភពលោក បច្ចុប្បន្នមានអ្នកស្លាប់ជាមធ្យម ១,១៥០ នាក់ក្នុងមួយថ្ងៃ។ ក្នុងរយៈពេលពីរសប្តាហ៍ដំបូងនៃខែធ្នូ ករណីឆ្លងប្រចាំថ្ងៃជាមធ្យមនៅអាមេរិក បានកើនឡើង ៣៥ ភាគរយ។ នេះបើយោងតាមតួលេខពីមជ្ឈមណ្ឌលគ្រប់គ្រង និងការពារជំងឺ (CDC)៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ កូវីដផ្តាច់ជីវិតជនជាតិអាមេរិក លើស៨០ម៉ឺននាក់ ជាចំនួនខ្ពស់បំផុតលើលោក
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត