ដោយសារតែ តេស្តម៉ាស៊ីនធំរក អូមីក្រុង មិនឃើញ ទើបថៃ មានអ្នកឆ្លងក្នុងសហគមន៍

នៅទីបំផុត ករណីឆ្លងវីរុសកូវីដបំប្លែងខ្លួន អូមីក្រុង ក្នុងសហគមន៍នៅប្រទេសថៃ ត្រូវបានបញ្ជាក់ជាលើកដំបូង ដោយមន្ត្រីសុខាភិបាលសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីករណីក្នុងសហគមន៍ រហូតមកដល់ពេលនេះ មន្ត្រីសុខាភិបាលថៃ បានរាយការណ៍អំពីករណីអូមីក្រុង នាំចូលជាង៦០ករណីរួចទៅហើយ។

ការឆ្លងក្នុងសហគមន៍លើកដំបូង គឺជាស្ត្រីម្នាក់ បានឆ្លងមេរោគពីប្តីរបស់គាត់ ដែលបានធ្វើដំណើរមកពីប្រទេសនីហ្សេរីយ៉ា។

បុរសរូបនេះ បានត្រឡប់មកផ្ទះវិញកាលពីថ្ងៃទី២៦ខែវិច្ឆិកា ហើយបានធ្វើតេស្ត RT-PCR អវិជ្ជមាននៅពេលមកដល់។ គាត់បានចូលប្រទេសក្រោមគម្រោង “ប្រអប់ខ្សាច់” ហើយស្នាក់នៅសណ្ឋាគារមួយ ប៉ុន្តែនាយកដ្ឋានគ្រប់គ្រងជំងឺមិនបានបញ្ជាក់នៅខេត្តណានោះទេ។

លុះមកដល់ថ្ងៃទី៣ខែធ្នូ បុរសម្នាក់នេះបានធ្វើដំណើរតាមរថយន្តរបស់សណ្ឋាគារ ទៅផ្ទះរបស់គាត់នៅខេត្ត Pathum Thani ភាគខាងជើងទីក្រុងបាងកក។ គាត់បានឈប់នៅហាងលក់ទំនិញ និងផ្សារទំនើបមួយ។

ក្រោយមក គាត់​មាន​គ្រុនក្តៅ ប៉ុន្តែ​បាន​ធ្វើ​តេស្តរហ័ស​អវិជ្ជមានកូវីដ។​ ប្រពន្ធរបស់គាត់បានមើលថែគាត់ ពេលកំពុងឈឺ។ បុរសម្នាក់នោះបានធ្វើតេស្តវិជ្ជកូវីដនៅថ្ងៃទី៧ខែធ្នូ ហើយប្រពន្ធរបស់គាត់បានចាប់ផ្តើមធ្វើចត្តាឡីស័កនៅផ្ទះ។

បីថ្ងៃក្រោយមក ស្ត្រីជាប្រពន្ធបានធ្វើតេស្តវិជ្ជមាន ហើយលទ្ធផលរបស់បុរសនោះបញ្ជាក់ថា ជាវីរុសបំប្លែងខ្លួន អូមីក្រុង៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ទីបំផុត ថៃ មានអ្នកឆ្លង អូមីក្រុង ក្នុងសហគមន៍ហើយ!