ព័ត៌មានអន្ដរជាតិ
បន្ទាប់ពីប្រធានាធិបតី ពេលនេះនាយករដ្ឋមន្ត្រី ហៃទី ត្រូវគេប៉ុនប៉ង ធ្វើឃាត
ទូរទស្សន៍ VTV បានរាយការណ៍ថា ការប៉ុនប៉ងបរាជ័យក្នុងការធ្វើឃាតនាយករដ្ឋមន្ត្រីនៃប្រទេសហៃទីគឺលោក Ariel Henry បានកើតឡើងកាលពីថ្ងៃអាទិត្យនៅឯព្រះវិហារមួយក្នុងទីក្រុង Gonaives ក្នុងអំឡុងពិធីបុណ្យដ៏ធំមួយដើម្បីឧទ្ទិសដល់ខួបលើកទី ២១៨ នៃឯករាជ្យរបស់ប្រទេសនេះ ។
ទូរទស្សន៍នេះបានរាយការណ៍ថា ជនប្រដាប់អាវុធបានបើកការបាញ់ប្រហារមកលើនាយករដ្ឋមន្ត្រី ហើយយ៉ាងហោចណាស់មនុស្សម្នាក់បានស្លាប់ និងជាច្រើននាក់ទៀតរងរបួស ខណៈលោក Henry មិនមានរបួសអ្វីឡើយ ក្នុងអំឡុងពេលឧប្បត្តិហេតុកាលពីថ្ងៃអាទិត្យ ។
ការរាយការណ៍ពីមុនដោយប្រព័ន្ធផ្សព្វផ្សាយក្នុងស្រុកបានឲ្យដឹងថា ក្រុមក្មេងទំនើងក្នុងតំបន់បានព្រមាននាយករដ្ឋមន្ត្រីប្រឆាំងនឹងការចូលរួមក្នុងព្រឹត្តិការណ៍ណាមួយនៅក្នុងទីក្រុង Gonaives ។
ប្រព័ន្ធផ្សព្វផ្សាយ Dominican Today បានរៀបរាប់លម្អិតថា មិនមានអ្នកគោរពបូជានៅក្នុងព្រះវិហារ Gonaives អំឡុងពេលនៃការបាញ់ប្រហារនោះទេ ហើយមានតែអាជ្ញាធរមូលដ្ឋាន និងមន្ត្រីរដ្ឋាភិបាលប៉ុណ្ណោះដែលមានវត្តមាននៅទីនោះ ។
បន្ទាប់ពីការប៉ុនប៉ងធ្វើឃាតមិនបានជោគជ័យ អាជ្ញាធរហៃទីបានលុបចោលព្រឹត្តិការណ៍ផ្សេងទៀតទាំងអស់ដែលឧទ្ទិសដល់ខួបនៃឯករាជ្យភាពរបស់ប្រទេស ។
ការវិវឌ្ឍន៍ចុងក្រោយបង្អស់បានកើតឡើង បន្ទាប់ពីមានសេចក្តីរាយការណ៍មុននេះថា ជនសង្ស័យក្នុងការធ្វើឃាតប្រធានាធិបតីហៃទីលោក Jovenel Moise នឹងមិនត្រូវបានធ្វើបត្យាប័នទៅកាន់ប្រទេសហៃទីនោះទេ ហើយនឹងត្រូវបញ្ជូនទៅប្រទេសកូឡុំប៊ីជំនួសវិញ ខណៈកិច្ចខិតខំប្រឹងប្រែងរបស់ជនជាតិហៃទីដើម្បីធ្វើបត្យាប័នជនសង្ស័យបានបរាជ័យ ២ ដងមកហើយ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ