ព័ត៌មានអន្ដរជាតិ
ដំណើរជីវិតអតីតជនភៀសខ្លួន ខ្មែរ មួយរូបចេញពីភ្លើងសង្គ្រាម រហូតក្លាយជាអភិបាលក្រុង អាមេរិក
អតីតជនភៀសខ្លួនលោក ចៅ សុខារី ដែលរួចផុតពីការគ្រប់គ្រងដ៏ឃោរឃៅរបស់ខ្មែរក្រហមបានក្លាយជាអភិបាលក្រុងធំមួយនៅសហរដ្ឋអាមេរិកដែលមានសញ្ជាតិអាមេរិកដើមកំណើតខ្មែរ ។
លោក ចៅ សុខារី សមាជិកក្រុមប្រឹក្សាក្រុងនៅទីក្រុង Lowell រដ្ឋ Massachusetts ត្រូវបានជ្រើសរើសជាឯកច្ឆ័ន្ទដោយសមាជិកក្រុមប្រឹក្សារបស់គាត់ឲ្យកាន់តំណែងកំពូលរបស់ស្ថាប័ននីតិប្បញ្ញត្តិកាលពីថ្ងៃចន្ទ ហើយគាត់ក៏បានក្លាយជាអភិបាលក្រុងអាស៊ីអាមេរិកាំងដំបូងគេផងដែរ ។
លោក សុខារី ដែលធ្វើការនៅរដ្ឋបាលសន្តិសុខសង្គមរបស់សហរដ្ឋអាមេរិកបាននិយាយ បន្ទាប់ពីស្បថចូលកាន់តំណែងជាផ្លូវការថា “ខ្ញុំជាជនភៀសខ្លួន ពេលនេះខ្ញុំជាអភិបាលក្រុងធំមួយក្នុងរដ្ឋ Massachusetts ។ ខ្ញុំមិនដឹងថាតើវាអាចកើតឡើងនៅកន្លែងណាផ្សេងទៀតទេក្នុងពិភពលោកយើងនេះ ប៉ុន្តែខ្ញុំនៅតែព្យាយាមធ្វើវាបាន” ។
នៅក្នុងសុន្ទរកថាចូលកាន់តំណែងរបស់លោកជាអភិបាលក្រុង Lowell លោក សុខារី បានបញ្ជាក់ពីប្រវត្តិគ្រួសាររបស់លោកដែលបានរត់គេចខ្លួនពីរបបខ្មែរក្រហមនៅចំពោះមុខហ្វូងមនុស្សជាច្រើននាក់ ដែលក្នុងនោះក៏មានភរិយា និងកូនប្រុសជំទង់ ២ នាក់របស់លោកថា “ក្នុងនាមជាពលរដ្ឋអាមេរិកដើមកំណើតខ្មែរ ខ្ញុំគាំទ្រជនអន្តោប្រវេសន៍ជាច្រើននាក់ដែលបានមកទីនេះមុនខ្ញុំដើម្បីសាងសង់ទីក្រុងនេះ” ។
ទន្ទឹមនោះលោក សុខារី ក៏បានរៀបរាប់ពីប្រវត្តិឪពុករបស់លោកដែលធ្លាប់ធ្វើជាទាហាននៅក្នុងជួរកងទ័ពកម្ពុជា ហើយត្រូវបានសម្លាប់ដោយខ្មែរក្រហមក្នុងឆ្នាំ ១៩៧៥ អំឡុងប្រទេសធ្លាក់ក្នុងសង្គ្រាមស៊ីវិល ។ លោកបន្តទៀតថា ចំណែកម្តាយរបស់លោកក៏បានស្លាប់ផងដែរកាលពីឆ្នាំមុន ។ ម្ដាយរបស់លោកបានចិញ្ចឹមកូន ៧ នាក់ក្នុងរយៈពេល ៤ ឆ្នាំក្នុងការរស់រានមានជីវិតពីគ្រាប់មីន ដើរឆ្លងកាត់ព្រៃ ភាពអត់ឃ្លាន ជំងឺ និងភាពមិនប្រាកដប្រជាមួយដើម្បីនាំកូនៗមកកាន់កន្លែងដែលមានសុវត្ថិភាពក្នុងទឹកដីសហរដ្ឋអាមេរិក ។
ក្រោយមកនៅក្នុងបទសម្ភាសន៍មួយបុរសវ័យ ៤៩ ឆ្នាំរូបនេះបាននិយាយថា លោកមានអាយុប្រហែល ៩ ឆ្នាំ នៅពេលដែលគ្រួសាររបស់លោកបានតាំងទីលំនៅដំបូងនៅទីក្រុង Pittsburgh រដ្ឋ Pennsylvania ដោយមានជំនួយពីវិហារកាតូលិក ហើយបានជំរុញឲ្យគ្រួសារប្តូរមកកាន់សាសនាគ្រឹស្ត ។
បន្ទាប់ពីនោះ ក្រុមគ្រួសាររបស់លោកបានធ្វើដំណើរទៅកាន់សហគមន៍ខ្មែរដែលកំពុងរីកចម្រើនក្នុងទីក្រុង Lowell នៅពាក់កណ្តាលទសវត្សរ៍ឆ្នាំ ១៩៨០ ។
ប៉ុន្តែទោះជាយ៉ាងណាក៏ដោយលោក សុខារី បានខិតខំបន្តការសិក្សារបស់លោក ហើយទីបំផុតទទួលបានអាហារូបករណ៍នៅសាលាបណ្ដុះបណ្ដាល Phillips Academy Andover ។ លោកបានបន្តទៅមហាវិទ្យាល័យ Macalester ក្នុងទីក្រុង St. Paul រដ្ឋ Minnesota ជាកន្លែងដែលលោកបានសិក្សាផ្នែកសេដ្ឋកិច្ច និងវិទ្យាសាស្ត្រនយោបាយ ហើយក៏ទទួលបានអាហារូបករណ៍ផងដែរ ។
មុនទទួលបានតំណែងមួយ លោក សុខារី បាននិយាយថា លោកធ្វើការភាគច្រើននៅក្នុងសេវាកម្មហិរញ្ញវត្ថុ រួមទាំងការបើកក្រុមហ៊ុនផ្តល់ប្រាក់កម្ចីទិញផ្ទះនៅទីក្រុង Lowell ជាមួយប្រពន្ធរបស់លោក មុនពេលទីផ្សារអចលនទ្រព្យបានដួលរលំនៅដើមទសវត្សរ៍ឆ្នាំ ២០០០ ។
គួរបញ្ជាក់ថា បច្ចុប្បន្នទីក្រុងដែលមានអ្នករស់នៅជាង ១១៥,០០០ នាក់មួយនេះគឺមានប្រជាជនអាស៊ីរស់នៅជិត ២៥ ភាគរយ ហើយជាទីក្រុងធំបំផុតទី ២ របស់អាមេរិក ដែលមានសហគមន៍ពលរដ្ឋខែ្មររស់នៅច្រើនជាងគេ ៕
ប្រែសម្រួលដោយ ៖ ជីវ័ន្ត
ប្រភព ៖ Indian Express
ចុចអាន ៖ មោទនភាព! អតីតជនភៀសខ្លួន ខ្មែរ ម្នាក់ក្លាយជាអភិបាលក្រុងនៅ អាមេរិក
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៨ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១៤ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ