ព័ត៌មានអន្ដរជាតិ
ស្វែងយល់កាន់តែច្បាស់អំពីវ៉ាក់សាំងកូវីដរបស់ចិន Sinovac
នៅពេលដែលការប្រណាំងប្រជែងជាសកលដើម្បីផលិតវ៉ាក់សាំងកូវីដ ១៩ នៅតែបន្ត ប្រទេសចិនហាក់ដូចជាបានបោះជំហានយ៉ាងខ្លាំងជាមួយវ៉ាក់សាំងនាំមុខរបស់ក្រុមហ៊ុន Sinovac នៅបរទេស ។
បើទោះបីវ៉ាក់សាំងនេះមិនទាន់បានបញ្ចប់ការសាកល្បងព្យាបាលដំណាក់ទីបីក៏ដោយ តើយើងត្រូវដឹងច្បាស់អំពីវ៉ាក់សាំងចិននេះយ៉ាងដូចម្តេច?
- តើមានអ្វីខុសគ្នារវាងវ៉ាក់សាំងក្រុមហ៊ុន Sinovac និងវ៉ាក់សាំងខ្លះទៀត?
វ៉ាក់សាំងឈ្មោះ CoronaVac របស់ក្រុមហ៊ុន Sinovac គឺជាវ៉ាកសាំងដែលធ្វើការសម្លាប់ភាគតូចល្អិតរបស់វីរុសដើម្បីបញ្ចោញប្រព័ន្ធភាពស៊ាំរបស់រាងកាយដោយមិនមានហានិភ័យក្នុងការឆ្លើយតបនឹងជំងឺធ្ងន់ធ្ងរ ។
វាអាចត្រូវបានរក្សាទុកនៅក្នុងទូរទឹកកកធម្មតានៅសីតុណ្ហភាព ២ ទៅ ៨ អង្សាសេ ដូចជាវ៉ាក់សាំងរបស់សាកលវិទ្យាល័យ Oxford ដែរ ខណៈវ៉ាក់សាំងរបស់ក្រុមហ៊ុន Moderna ត្រូវការរក្សាទុកនៅឯសីតុណ្ហភាព ដក ២០ អង្សាសេ និងវ៉ាក់សាំង Pfizer នៅសីតុណ្ហភាព ដក ៧០ អង្សាសេ ។
វាមានន័យថាវ៉ាក់សាំង Sinovac មានប្រយោជន៍ច្រើនដល់បណ្តាប្រទេសកំពុងអភិវឌ្ឍន៍ដែលពិបាកទុកវ៉ាក់សាំងបានច្រើននៅសីតុណ្ហភាពទាបបែបនេះ ។
- តើវាមានប្រសិទ្ធភាពប៉ុណ្ណា?
លោក Zhu Fengcai និពន្ធនាយកកាសែត The Lancet បាននិយាយថា លទ្ធផលដែលផ្អែកលើអ្នកចូលរួម ១៤៤ នាក់នៅក្នុងដំណាក់កាលទី ១ និង ៦០០ នាក់នៅក្នុងដំណាក់កាលទី ២ មានន័យថា វ៉ាក់សាំងនេះសមស្របសម្រាប់ការប្រើប្រាស់បន្ទាន់ ។
នៅក្នុងខែកញ្ញាលោក Yin ប្រធានក្រុមហ៊ុន Sinovac បាននិយាយថា ការធ្វើតេស្តត្រូវបានធ្វើឡើងលើអ្នកស្ម័គ្រចិត្តក្នុងប្រទេសប្រេស៊ីលជាង ១,០០០ នាក់ដែលក្នុងនោះមានអ្នកខ្លះបង្ហាញថាអស់កម្លាំងតិចតួច ឬមិនស្រួលខ្លួនមិនលើសពី ៥ ភាគរយឡើយ ។
ដៃគូរបស់ Sinovac នៅប្រេស៊ីលគឺវិទ្យាស្ថាន Butantan បាននិយាយថា ខ្លួនរំពឹងថា វ៉ាក់សាំង Sinovac នឹងផ្សព្វផ្សាយលទ្ធផលពីការសាកល្បងរបស់ខ្លួនមុនថ្ងៃទី ១៥ ខែធ្នូ ។
- តើក្រុមហ៊ុននេះអាចផលិតវ៉ាក់សាំងប៉ុន្មានដូសក្នុងមួយឆ្នាំ?
ប្រធានក្រុមហ៊ុនបានប្រាប់ទីភ្នាក់ងារសារព័ត៌មាន CGTN ថាក្រុមហ៊ុន Sinovac នឹងអាចផលិតបាន ៣០០ លានដូសក្នុងមួយឆ្នាំ ។ ដូចវ៉ាក់សាំងដទៃទៀតដែរវាតម្រូវឲ្យចាក់ចំនួន ២ ដូសដោយអាចចាក់មនុស្ស ១៥០ លាននាក់ក្នុងមួយឆ្នាំ ។
ទោះយ៉ាងណាក៏ដោយវាបានចែកចាយទៅដល់ប្រទេសឥណ្ឌូនេស៊ីរាប់លានដូសរួចហើយ ហើយក៏កំពុងទទួលបានកិច្ចព្រមព្រៀងផ្សេងទៀតជាមួយប្រទេសទួរគី ប្រេស៊ីល និងឈីលី ជាដើម ខណៈក្នុងមួយដូសមានតម្លៃ ២០០ យ័ន (ប្រមាណ ៣០ ដុល្លារ) ។ ប៉ុន្តែវាមិនទាន់បង្ហាញពីកម្រិតប្រសិទ្ធភាពក្នុងការព្យាបាលដំណាក់កាលទីបីនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ BBC
-
ព័ត៌មានជាតិ២២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល