កូរ៉េ​ខាង​ជើង​ព្រមាន​ចាត់​វិធាន​ការ​ចាស់​ដៃ​លើ​អាមេរិក​​រឿង​ទណ្ឌកម្មថ្មី
Connect with us
Helistar Cambodia - Helicopter Charter Services

ព័ត៌មានអន្ដរជាតិ

កូរ៉េ​ខាង​ជើង​ព្រមាន​ចាត់​វិធាន​ការ​ចាស់​ដៃ​លើ​អាមេរិក​​រឿង​ទណ្ឌកម្មថ្មី

បានផុស

នៅ

កូរ៉េ​ខាង​ជើង​​​​នៅ​ថ្ងៃ​សុក្រ ទី​១៤ ខែ​មករា នេះ​បាន​រិះ​គន់​រដ្ឋបាល​ប្រធានាធិបតី​សហរដ្ឋ​អាមេរិក ចូ បៃដិន ដែល​បាន​​ដាក់​ទណ្ឌកម្ម​ថ្មី​​ប្រឆាំង​នឹង​ប្រទេស​ខ្លួន​ជុំ​វិញ​​ការ​បាញ់​សាក​ល្បង​មីស៊ីល​ថ្មី​បំផុត​ និង​បាន​ព្រមាន​ចាត់​វិធានការ​ខ្លាំង​ក្លា និង​ច្បាស់​លាស់បន្ថែម​ទៀត ប្រសិន​បើ​ទី​ក្រុង​វ៉ាស៊ីនតោន​នៅ​តែ​បន្ត​គោល​ជំហរ​ប្រឈម​មុខ​ដាក់​គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
លោក គីម ជុងអ៊ុន

សេចក្តី​ថ្លែង​ការណ៍​របស់​កូរ៉េ​ខាង​ជើង​ដែល​ទី​ភ្នាក់​ងារ​សារព័ត៌មាន​មជ្ឈិមកូរ៉េ​ (KCNA)ទទួល​បានបង្ហាញ​ថា ​អ្នក​នាំ​ពាក្យ​ក្រសួង​ការបរទេស​ដែល​មិន​បង្ហាញ​អត្តសញ្ញាណ​ម្នាក់​បាន​ការពារ​ចំពោះ​ការបាញ់​មីស៊ីល​ល្បឿន​លឿន​ជាង​សំឡេង​របស់​កូរ៉េ​ខាង​ជើង​ថ្មី​ៗ​នេះថា​ជា​ការ​អនុវត្ត​ត្រឹម​ត្រូវ​សម្រាប់​ការពារ​ខ្លួន។

អ្នក​នាំ​ពាក្យ​បបាន​និយាយ​ថា ទណ្ឌកម្ម​ថ្មី​ៗ​គឺ​គូស​បញ្ជាក់​ពី​អារិភាព​របស់​​អាមេរិក​ដែល​មាន​​ចេតនា​​រារាំង និង​​ធ្វើឲ្យ​ឯកោ​ដល់​កូរ៉េ​ខាងជើង​ បើ​ទោះ​ជា​ទី​ក្រុង​វ៉ាស៊ីនតោន​អំពាវ​នាវ​​ជា​រឿយ​ៗ​​ឲ្យ​ទី​ក្រុង​ព្យុងយ៉ាង​បន្ត​ការទូត​ដែល​បាន​ជាប់​គាំង​ដោយ​សារ​ខ្វែង​គំនិត​គ្នា​អំពី​ភាពបន្ធូរ​បន្ថយ​ទណ្ឌកម្ម និង​ការ​រំសាយ​អាវុធ​នុយក្លេអ៊ែរ​ក៏​ដោយ។

រដ្ឋបាល​ ចូ បៃដិន កាល​ពី​ថ្ងៃ​អង្គារ៍​បាន​ដាក់​ទណ្ឌកម្មលើ​ជន​ជាតិ​កូរ៉េខាង​ជើង​៥​នាក់​ជុំ​វិញ​​តួនាទី​របស់​ពួក​គេក្នុង​ការ​ទទួល​បាន​សម្ភារៈ និង​បច្ចេកវិទ្យា​សម្រាប់​កម្មវិធី​មីស៊ីល​របស់​កូរ៉េ​ខាង​ជើង​នៅ​ក្នុង​ការ​ឆ្លើយ​​តប​ទៅ​នឹង​ការ​បាញ់​សាក​ល្បង​មីស៊ីល​ថ្មី​បំផុត​របស់​កូរ៉េ​ខាង​ជើង​ក្នុង​សប្តាហ៍​នេះ ហើយ​បាន​និយាយ​ថា ខ្លួន​ស្វែង​រក​ការ​ដាក់​ទណ្ឌកម្ម​ថ្មី​​ទៀត​នៅ​អង្គការ​សហ​ប្រជា​ជាតិ។

សេចក្តី​ប្រកាស​របស់​ក្រសួង​រតនាគារ​អាមេរិក​បាន​ធ្វើ​ឡើង​ប៉ុន្មានម៉ោង​ បន្ទាប់​ពី​​កូរ៉េ​ខាង​ជើង​បាន​និយាយ​ថា មេ​ដឹក​នាំ​កូរ៉េ​ខាង​ជើង គីម ជុងអ៊ុន បាន​ត្រួត​ពិនិត្យ​​លើ​ការ​បាញ់​សាក​ល្បង​ដោយ​ជោគជ័យចំពោះ​មីស៊ីលល្បឿន​លឿន​ជាង​សំឡេង​កាល​ពី​ថ្ងៃ​អង្គារ៍​ដែលោក​បាន​អះ​អាង​ថា នឹង​បង្កើន​ការរា​រាំង​សង្គ្រាម​នុយក្លេអ៊ែរ។

អ្នក​នាំ​ពាក្យ​កូរ៉េ​ខាង​ជើង​បាន​ចោទ​ប្រកាន់​សហរដ្ឋ​អាមេរិក​ពី​បទ​រក្សា​ជំហរ​ដូច​ក្មេង​ទំនើង ដោយ​បាន​និយាយ​ថា ការ​អភិវឌ្ឍមីស៊ីល​ថ្មី​របស់​កូរ៉េ​ខាង​ជើង​គឺ​ជា​ផ្នែក​នៃ​កិច្ច​ខិត​ខំ​ប្រឹងប្រែង​ដើម្បី​​ធ្វើ​ទំនើប​កម្ម​យោធា​របស់​ខ្លួន និង​មិន​មាន​គោល​ដៅ​ជាក់​លាក់​លើ​ប្រទេស​ណា​មួយ ឬ​គំរាម​កំហែង​សន្តិសុខ​ដល់​ប្រទេស​ជិត​ខាង​ឡើយ។

រូប​ភាព​កូរ៉េ​ខាង​ជើង​បាញ់​មីស៊ីល​កាល​ពី​ថ្ងៃ​ទី​១១ ខែ​មករា​នេះ

អ្នក​នាំ​ពាក្យ​បាន​និយាយ​ថា ៖«យ៉ាង​ណា​ក៏​ដោយ អាមេរិកកំពុង​បង្កើន​ស្ថានភាព​ដោយ​ចេតនា​ សូម្បី​តែ​​​ការ​ទណ្ឌកម្ម​ឯករាជ​ដោយ​មិន​ពេញ​ចិត្ត​​នឹង​ការ​បង្វែរ​សកម្មភាព​របស់​កូរ៉េ​ខាង​ជើង​ទៅ​ក្រុម​ប្រឹក្សា​សន្តិសុខ​អង្គការ​សហ​ប្រជា​ជាតិ»។

«ប្រការ​នេះ​បង្ហាញ​ថា ទោះ​​ជា​រដ្ឋបាល​អាមេរិក​កំពុង​និយាយ​អំពី​ការ​ទូត និង​កិច្ចចរចា ប៉ុន្តែ​​វា​​​នៅ​តែ​​ជាប់​គាំង​​ក្នុង​គោល​នយោបាយ​ដើម្បី​រារាំង និង​ធ្វើ​ឲ្យ​​ឯកោដល់​កូរ៉េ​ខាង​ជើង។ ប្រសិន​បើ​អាមេរិក​ប្រកាន់​ជំហរ​ ប្រឈម​មុខ​គ្នា​បែប​នេះ កូរ៉េ​ខាង​ជើង​​​នឹង​​បង្ខំ​ចិត្ត​ឆ្លើយ​តប​ខ្លាំង​ក្លា និងជាក់​លាក់វិញ»៕

ប្រែ​សម្រួល៖ វីរបុត្រ
ប្រភព៖ AP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម៣ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ៣ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍៣ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍៣ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services