ព័ត៌មានអន្ដរជាតិ
WHO ព្រមានចំៗ អូមីក្រុង មិនស្រាលទេ កុំយល់ខុសឲ្យសោះ
នៅថ្ងៃពុធទី១៩ខែមករានេះ ប្រធានអង្គការសុខភាពពិភពលោក (WHO) បានចេញការព្រមានដល់មេដឹកនាំពិភពលោកថា ជំងឺរាតត្បាតកូវីដ១៩ មិនទាន់ជិតដល់ទីបញ្ចប់នោះទេ។
លោកវេជ្ជបណ្ឌិត Tedros Adhanom Ghebreyesus បានព្រមានប្រឆាំងនឹងការសន្មត់ថា វីរុសបំប្លែងខ្លួនប្រភេទថ្មី អូមីក្រុង គឺស្រាលជាងវីរុសបំប្លែងខ្លួនមុនៗ និងលុបបំបាត់ការគំរាមកំហែងដែលបង្កឡើងដោយវីរុស។
អន្តរាគមន៍នេះកើតឡើង ខណៈប្រទេសអឺរ៉ុបមួយចំនួន រកឃើញករណីឆ្លងថ្មីក្នុងកម្រិតកំណត់ត្រាដោយ ប្រទេសបារាំងបានរាយការណ៍ការឆ្លងថ្មីជិតកន្លះលានករណី កាលពីថ្ងៃអង្គារ។
ថ្លែងក្នុងសន្និសីទសារព័ត៌មាននៅទីស្នាក់ការកណ្តាលរបស់ WHO ក្នុងទីក្រុងហ្សឺណែវ លោកវេជ្ជបណ្ឌិត Tedros បានប្រាប់អ្នកយកព័ត៌មានថា វីរុស អូមីក្រុង បាននាំឲ្យមានការឆ្លងថ្មីចំនួន ១៨លានករណី នៅទូទាំងពិភពលោកក្នុងសប្តាហ៍កន្លងមកនេះ។
លោកបន្តថា “ខណៈមានការលើកឡើងថា អូមីក្រុង មិនសូវធ្ងន់ធ្ងរ, ការអះអាងថាវាជាជំងឺស្រាលគឺជាការយល់ច្រឡំ។ កុំមានកំហុសឲ្យសោះ អូមីក្រុង កំពុងបណ្តាលឲ្យមានការចូលសម្រាកព្យាបាលក្នុងមន្ទីរពេទ្យ និងការស្លាប់ ហើយកំពុងធ្វើឲ្យទីតាំងសុខភាព ជួបប្រទះបញ្ហា”។
ស្របពេលជាមួយគ្នានោះ លោកបានព្រមានមេដឹកនាំពិភពលោកថា ដោយសារតែការកើនឡើងនៃករណីអូមីក្រុងនៅទូទាំងពិភពលោក វីរុសបំប្លែងខ្លួនប្រភេទថ្មីៗទំនងជានឹងលេចឡើងមកទៀត ដែលជាមូលហេតុថា ការតាមដាន និងការវាយតម្លៃនៅតែមានសារៈសំខាន់។
លោកបន្ថែមថា “ខ្ញុំនៅតែមានការព្រួយបារម្ភជាពិសេស អំពីប្រទេសជាច្រើនដែលមានអត្រាទទួលវ៉ាក់សាំងទាប ដោយសារមនុស្សកាន់តែច្រើនត្រូវប្រឈមនឹងជំងឺធ្ងន់ធ្ងរ និងការស្លាប់ ប្រសិនបើពួកគេមិនបានទទួលថ្នាំបង្ការ”៕
ប្រែសម្រួល៖ Vann Vann
ប្រភព៖ BBC
ចុចអាន៖ អូមីក្រុង សម្លាប់មនុស្សបន្ថែមទៀតនៅ ថៃ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ