ព័ត៌មានអន្ដរជាតិ
UN ជំរុញលោក ប្រាយុទ្ធ ឲ្យជួយបញ្ឈប់វិបត្តិ មីយ៉ាន់ម៉ា
ដោយសារតែរដ្ឋាភិបាលថៃ សន្យាថានឹងការពារជនភៀសខ្លួនមីយ៉ាន់ម៉ាដែលភៀសខ្លួនចូលប្រទេសថៃ ឯកអគ្គរដ្ឋទូតអង្គការសហប្រជាជាតិ បានជំរុញឲ្យលោកនាយករដ្ឋមន្ត្រី Prayut Chan-o-cha ជួយទប់ស្កាត់វិបត្តិ ដែលកាន់តែអាក្រក់ៗនៅក្នុងប្រទេសមីយ៉ាន់ម៉ា។
បេសកជនពិសេស UN ទទួលបន្ទុកប្រទេសមីយ៉ាន់ម៉ា លោកស្រី Noeleen Heyzer បានជំរុញបែបនេះបន្ទាប់ពីកិច្ចប្រជុំដោយផ្ទាល់ នៅឯវិមានរដ្ឋាភិបាលក្នុងទីក្រុងបាងកកនាសប្តាហ៍នេះ អំឡុងដំណើរទស្សនកិច្ចប្រទេសថៃ។
លោកស្រី Heyzer កំពុងស្វែងរកការគាំទ្រពីបរទេស សម្រាប់ជំនួយដល់ជនភៀសខ្លួន និងដាក់សម្ពាធដល់ថ្នាក់ដឹកនាំយោធាមីយ៉ាន់ម៉ា ឲ្យប្រកាន់ខ្ជាប់នូវកិច្ចព្រមព្រៀងសន្តិភាពប្រាំចំណុច ដែលបានព្រមព្រៀងជាមួយសមាជិកអាស៊ានកាលពីខែមេសាឆ្នាំមុន។
លោកស្រីបានសរសេរនៅក្នុងសេចក្តីថ្លែងការណ៍សប្តាហ៍នេះថា “នាយករដ្ឋមន្ត្រី មានតួនាទីសំខាន់ក្នុងការទប់ស្កាត់មិនឲ្យវិបត្តិនៅក្នុងប្រទេសមីយ៉ាន់ម៉ា កាន់តែធ្លាក់ចុះដុនដាបបន្ថែមទៀត ដោយការផ្ទុះហិង្សានឹងនាំមកនូវអស្ថិរភាពបន្ថែមទៀតដល់តំបន់ព្រំដែន”។
ចាប់តាំងពីពេលនោះមក ពលរដ្ឋមីយ៉ាន់ម៉ារាប់ពាន់នាក់ បានភៀសខ្លួនចូលទៅក្នុងប្រទេសថៃ ស្របពេលអំពើហិង្សានៅជិតព្រំដែនបានផ្ទុះឡើងកាលពី២ខែមុន ដោយតួលេខផ្លូវការបង្ហាញថា មនុស្សជាង១,៣០០នាក់នៅតែស្ថិតក្នុងជំរំជនភៀសខ្លួនរបស់ប្រទេសថៃ ខណៈ៥០,០០០នាក់ ត្រូវផ្លាស់ទីលំនៅដោយសារតែការវាយលុករបស់យោធានាពេលថ្មីៗនេះ។
យោងតាមលោកនាយករដ្ឋមន្ត្រី Prayut បានឲ្យដឹងថា ការលំបាករបស់មីយ៉ាន់ម៉ាមានភាពស្មុគស្មាញ ហើយស្ថានភាពគួរតែត្រូវបានដោះស្រាយបន្តិចម្តងៗដោយការយល់ដឹង និងតាមរយៈការកសាងទំនុកចិត្តជាមួយមេដឹកនាំមីយ៉ាន់ម៉ា។
លោកបានប្រាប់បេសកជន UN ថា ប្រទេសថៃមានតំបន់មនុស្សធម៌ ហើយជនភៀសខ្លួនត្រូវ បញ្ជូនទៅវិញតាមលក្ខខណ្ឌស្ម័គ្រចិត្តតែប៉ុណ្ណោះ៕
ប្រែសម្រួល៖ Vann Vann
ប្រភព៖ Thaiger
ចុចអាន៖ ចិន គាំទ្រកម្ពុជាពេញទំហឹង ក្នុងការដោះស្រាយបញ្ហាមីយ៉ាន់ម៉ា បានយ៉ាងត្រឹមត្រូវ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)