ចិន គាំទ្រកម្ពុជាពេញទំហឹង ក្នុងការដោះស្រាយបញ្ហាមីយ៉ាន់ម៉ា បានយ៉ាងត្រឹមត្រូវ

អ្នកនាំពាក្យក្រសួងការបរទេសចិន លោក Wang Wenbin បាននិយាយថា ប្រទេសមីយ៉ាន់ម៉ា គឺជាសមាជិកនៃគ្រួសារអាស៊ានដ៏ធំមួយ។ ចិនគាំទ្រអាស៊ាន ក្នុងការដោះស្រាយបញ្ហាទាក់ទងនឹងប្រទេសមីយ៉ាន់ម៉ាបានយ៉ាងត្រឹមត្រូវតាម “វិធីសាស្រ្តអាស៊ាន” និងអនុវត្តដោយជោគជ័យនូវគោលការណ៍កុងសង់ស៉ីសប្រាំចំណុច ក្រោមក្របខណ្ឌអាស៊ាន។

ស្របពេលជាមួយគ្នានោះដែរ ប្រទេសចិន សូមកោតសរសើរចំពោះការត្រៀមខ្លួនរបស់មីយ៉ាន់ម៉ា ក្នុងការបង្កើតលក្ខខណ្ឌអំណោយផល សម្រាប់បេសកជនពិសេសរបស់អាស៊ាន ដើម្បីបំពេញកាតព្វកិច្ចរបស់ខ្លួន និងធ្វើការឆ្ពោះទៅរកកិច្ចព្រមព្រៀងប្រកបដោយប្រសិទ្ធភាព រវាងផែនទីបង្ហាញផ្លូវប្រាំចំណុចរបស់មីយ៉ាន់ម៉ា និងគោលការណ៍កុងសង់ស៊ីសប្រាំចំណុចរបស់អាស៊ាន។

លើសពីនេះ ប្រទេសចិន នឹងគាំទ្រយ៉ាងពេញទំហឹងដល់កម្ពុជា ដែលជាប្រធានប្តូរវេនអាស៊ាន ក្នុងការដើរតួនាទីយ៉ាងសកម្ម និងចូលរួមចំណែកយ៉ាងសំខាន់ក្នុងការគ្រប់គ្រងការខ្វែងគំនិតគ្នា រវាងភាគីនៃប្រទេសមីយ៉ាន់ម៉ា តាមរយៈការសន្ទនានយោបាយ និងការស្តារស្ថិរភាព និងការសម្រេចបាននូវការអភិវឌ្ឍនៅដំណាក់កាលដំបូង៕

ប្រែសម្រួល៖ Vann Vann

ចុចអាន៖ ក្រោយពិភាក្សាជាមួយសម្ដេចតេជោ មេដឹកនាំ មីយ៉ាន់ម៉ា គាំទ្រកិច្ចខិតខំប្រឹងប្រែងសន្តិភាព អាស៊ាន