ព័ត៌មានអន្ដរជាតិ

ទូតចិននិយាយត្រង់ថា ការគាំទ្រឯករាជ្យតៃវ៉ាន់នឹងបង្កជម្លោះយោធាចិន និងអាមេរិក

បានផុស

៤ years មុន

នៅ

ថ្ងៃសៅរ៍ ២៩ មករា ២០២២

ដោយ

ចិន និងសហរដ្ឋអាមេរិកអាចឈានដល់ជម្លោះយោធា ប្រសិនបើអាមេរិកជំរុញកោះតៃវ៉ាន់ដើម្បីឯករាជ្យភាព។ នេះជាសំដីរបស់ឯកអគ្គរដ្ឋទូតចិនប្រចាំនៅទីក្រុងវ៉ាស៊ីនតោន លោក Qin Gang បាននិយាយក្នុងបទសម្ភាសតាមវិទ្យុអាមេរិកមួយកាលពីថ្ងៃសុក្រ ទី២៨ ខែមករា។

លោក Qin បានប្រាប់វិទ្យុ National Public Radio ថា ៖«សូមឲ្យខ្ញុំសង្កត់ធ្ងន់លើចំណុចនេះ។ បញ្ហានៅតៃវ៉ាន់គឺជាប្រអប់ដ៏ធំបំផុតរវាងចិន និងអាមេរិក»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា ៖«ប្រសិនបើអាជ្ញាធរតៃវ៉ាន់ ដែលទទួលបានការគាំទ្រពីសហរដ្ឋអាមេរិកបន្តដើរលើវិថីដើម្បីឯករាជ្យ វាទំនងជាពាក់ព័ន្ធខ្លាំងបំផុតរវាង ចិន និងអាមេរិក ដែលជាប្រទេសធំទាំងពីរចូលទៅជម្លោះយោធា»។

ក្រសួងការបរទេសអាមេរិក ក្រុមប្រឹក្សាសន្និសុខជាតិ និងមន្ទីរបញ្ចកោណមិនអាចឆ្លើយតបបានទេចំពោះការស្នើសុំបញ្ជាក់ពីទីភ្នាក់ងារសារព័ត៌មាន Reuters ពាក់ព័ន្ធនឹងការលើកឡើងរបស់មន្ត្រីទូតចិន។ ការលើកឡើងរបស់ឯកអគ្គរដ្ឋទូតចិនត្រូវបានផ្សាយប៉ុន្មានម៉ោង បន្ទាប់ពីរដ្ឋមមន្ត្រីក្រសួងការបរទេសអាមេរិក លោក Antony Blinken និងរដ្ឋមន្ត្រីក្រសួងការបរទេសចិន លោក Wang Yi បានពិភាក្សាគ្នាពីវិបត្តិនៅអ៊ុយក្រែន។

ចិនមិនបានច្រានចោលពីការប្រើកម្លាំងដើម្បីគ្រប់គ្រងលើតៃវ៉ាន់ទេ ទោះជាកោះតៃវ៉ាន់បានអះអាងថា ខ្លួនជាប្រទេសឯករាជ្យមួយដែលនឹងការពារសេរីភាពរបស់ខ្លួន។ នៅពេលមន្ត្រីចិនបានព្រមានពីចំណាត់ការយោធាលើកោះតៃវ៉ាន់ វាជារឿងមិនធម្មតាសម្រាប់ពួកគេដែលភ្ជាប់ផ្ទាល់ទៅអាមេរិក។

ភាពតានតឹងរវាងចិន និងតៃវ៉ាន់ បានឡើងកម្តៅក្នុងរយៈពេលប៉ុន្មានខែថ្មីៗនេះ ដោយសារកម្លាំងយោធាចិនបានប្រតិបត្តិការបេសកកម្មលើដែនអាកាសជារឿយៗលើច្រកសមុទ្រដែលជាផ្លូវទឹកបំបែកកោះតៃវ៉ាន់ចេញពីចិន។

ទោះជាអាមេរិកមិនមានទំនាក់ទំនងផ្លូវការជាមួយតៃវ៉ាន់ក៏ដោយ ក៏អាមេរិកជាអ្នកគាំទ្រ និងផ្គត់ផ្គង់កំពូលផ្នែកយោធាដល់តៃវ៉ាន់៕

ប្រែសម្រួល៖ វីរបុត្រ
ប្រភព៖ Reuters

Related Topics:សហរដ្ឋអាមេរិក