ព័ត៌មានអន្ដរជាតិ
បុគ្គលិកក្រុមហ៊ុនអាកាសចរណ៍ Qatar Airways កំពុងធ្វើការលើសម៉ោង និងបានប្រាក់ខែតិច
យោងតាមការស៊ើបអង្កេតថ្មីមួយបានឲ្យដឹងថា បុគ្គលិកក្រុមហ៊ុនអាកាសចរណ៍ Qatar Airways ទទួលរងនូវលក្ខខណ្ឌការងារមិនល្អ និងមានគ្រោះថ្នាក់ បន្ទាប់ពីមានរលកនៃការបញ្ឈប់ការងារ ប៉ុន្តែពួកគេមានការភ័យខ្លាចក្នុងការនិយាយចេញជាសាធារណៈ និងឯកជនអំពីបញ្ហារបស់ពួកគេ ។
ការផ្តល់សក្ខីកម្មពីសមាជិកនាវិកទៅកាន់សារព័ត៌មាន Reuters បានឲ្យដឹងថា ពួកគេមានការអស់កម្លាំង ដោយសារការធ្វើការងារលើសម៉ោង និងទទួលបានប្រាក់កម្រៃទាប ហើយកំពុងបង្កហានិភ័យដល់សុវត្ថិភាពទាំងបុគ្គលិក និងអ្នកដំណើរ ។
ទោះបីជាយ៉ាងណាក៏ដោយ ជាមួយនឹងការគំរាមកំហែងលែងយកធ្វើការ និងព្យួរការងាររបស់ពួកគេ ជាពិសេសដោយសារជំងឺរាតត្បាតកូវីដ ១៩ មានមនុស្សតិចណាស់ដែលបានព្យាយាមត្អូញត្អែរអំពីបញ្ហារបស់ពួកគេទៅកាន់អ្នកគ្រប់គ្រង ។
អ្នកបើកយន្តហោះម្នាក់ដែលសុំមិនបញ្ចេញឈ្មោះដែលទីបំផុតគាត់បានចុះចតដោយសុវត្ថិភាពនៅឯមូលដ្ឋានរបស់ក្រុមហ៊ុនអាកាសចរណ៍ក្នុងទីក្រុង Doha ក្រោយហោះហើររយៈពេល ២០ ម៉ោងបាននិយាយថា “ខ្ញុំបានដេកលក់ ក្នុងអំឡុងពេលចុះជាមួយនឹងអ្នកដំណើរ ៤០០ នាក់នៅលើយន្តហោះ” ។
អ្នកបើកយន្តហោះបាននិយាយថា “អ្នកមិនអាចធ្វើអ្វីបានទេ ។ រាងកាយរបស់អ្នកគ្រាន់តែស្រែកឲ្យសម្រាក ប៉ុន្តែវាមិនអាចទៅរួចទេ ។ ខ្ញុំស្ទើរតែបើកភ្នែកបញ្ជាយន្តហោះលែងបានទៅហើយ”។
ទោះយ៉ាងណាក៏ដោយ លោកបានបន្ថែមថា “ខ្ញុំមិនដែលបំពេញរបាយការណ៍ ឬត្អូញត្អែរអំពីការហត់នឿយនោះទេ ពីព្រោះខ្ញុំមិនចង់បាត់បង់ការងារ និងស្ថិតក្នុងការយកចិត្តទុកដាក់ដល់អ្នកដទៃ” ៕
ប្រែសម្រួលដោយ ៖ ជីវ័ន្ត
ប្រភព ៖ Middle East Eye
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល