ព័ត៌មានអន្ដរជាតិ

លោក បៃដិន ថា ទោះមានបញ្ហាអ្វីក៏ដោយ អាមេរិក ត្រៀមជួយ អ៊ុយក្រែន រួចស្រេច បើ រុស្ស៊ី គំរាមកំហែង

បានផុស

៤ years មុន

នៅ

ថ្ងៃអង្គារ ១ កុម្ភៈ ២០២២

ដោយ

ប្រធានាធិបតីអាមេរិកលោក ចូ បៃដិន បាននិយាយថា សហរដ្ឋអាមេរិកកំពុងបន្តការទូតដើម្បីដោះស្រាយវិបត្តិជុំវិញប្រទេសអ៊ុយក្រែន ហើយលោកបានព្រមានរុស្ស៊ីថា អាមេរិកបានត្រៀមខ្លួនរួចជាស្រេចសម្រាប់ការគំរាមកំហែងណាមួយកើតឡើង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន បាននិយាយនៅការិយាល័យពងក្រពើ (Oval Office) ថា “នៅអង្គការសហប្រជាជាតិ (UN) យើងបានគូសបញ្ជាក់អំពីលក្ខណៈពេញលេញនៃការគំរាមកំហែងរបស់រុស្ស៊ីចំពោះអធិបតេយ្យភាព និងបូរណភាពទឹកដីរបស់អ៊ុយក្រែន ក៏ដូចជាលើគោលការណ៍ស្នូលនៃសណ្តាប់ធ្នាប់អន្តរជាតិដែលផ្អែកលើច្បាប់” ។

លោក បៃដិន បាននិយាយថា “សហរដ្ឋអាមេរិកបន្តជំរុញឲ្យមានដំណោះស្រាយដ៏ល្អបំផុតតាមរយៈផ្នែកការទូត។ យើងបន្តជំរុញឲ្យមានទំនាក់ទំនងការទូតជាមធ្យោបាយដ៏ល្អបំផុតឆ្ពោះទៅមុខ ប៉ុន្តែជាមួយនឹងប្រទេសរុស្ស៊ីដែលបន្តការកសាងអំណាចរបស់ខ្លួននៅជុំវិញអ៊ុយក្រែន ពួកយើងបានត្រៀមខ្លួនរួចរាល់ហើយ ទោះបីជាមានបញ្ហាអ្វីក៏ដោយ” ។

កន្លងមក ឯកអគ្គរដ្ឋទូតរុស្ស៊ីប្រចាំនៅអង់គ្លេស លោក Andrey Kelin បានចេញការព្រមានមួយទាក់ទងនឹងភាពតានតឹងនាពេលថ្មីៗនេះរវាងប្រទេសរបស់លោក និងអ៊ុយក្រែន ។ លោក Kelin បានព្រមានថានឹងមានការបង្ហូរឈាម ហើយរុស្ស៊ីនឹងឆ្លើយតប ប្រសិនបើអ៊ុយក្រែនដាក់ពង្រាយកម្លាំងយោធារបស់ខ្លួនទៅកាន់តំបន់ Donbass ដែលបង្កជម្លោះ ។

ទន្ទឹមនោះសារព័ត៌មានអង់គ្លេស The Sun បានរាយការណ៍កាលពីថ្ងៃចន្ទថា រុស្ស៊ី និងអ៊ុយក្រែនបានស្តីបន្ទោសគ្នាទៅវិញទៅមកចំពោះជម្លោះដែលកំពុងកើនឡើងនៅក្នុងតំបន់ Donbass ភាគខាងកើតអ៊ុយក្រែន ដែលមានព្រំប្រទល់ជាប់រុស្ស៊ីដោយផ្ទាល់ ៕